Gollandiyede yashawatqan Uyghurlar wetende yüz bergen qanliq weqeler heqqide söhbetleshti

Ixtiyariy muxbirimiz pida'iy
2014-08-07
Élxet
Pikir
Share
Print
Uyghur élida yüz bergen qanliq weqeler heqqide ötküzülgen söhbet yighinidin körünüsh. 2014-Yili 3-awghust, gollandiye.
Uyghur élida yüz bergen qanliq weqeler heqqide ötküzülgen söhbet yighinidin körünüsh. 2014-Yili 3-awghust, gollandiye.
RFA/Pidaiy

Gollandiyening otiréxt shehiride pa'aliyet élip bériwatqan yawropa sherqiy türkistan ma'arip jem'iyitining yighin zaligha jem bolghan Uyghurlar 3‏-awghust küni péshin namizidin kéyin, wetinide shéhit bolghan qérindashlirining ghayiwane méyit namizini chüshürdi.

Uningdin kéyin, yekenning élishqu qatarliq yézilirida yüz bergen étiqad yolida qarshiliq körsitish herikitining qattiq basturulghanliqigha da'ir melumatlardin waqiplandi we öz-ara uchur almashturdi.

Bir qisim jama'et erbabliri bu weqeler heqqidiki pikir-qarashlirini muzakire qilishti we shunchila qanliq basturushlargha pisent qilmastin 1‏-awghust xotende yüz bergen qarshiliq heriketlirini dawam qiliwatqan pidakar qiz, oghlanlargha yuqiri baha berdi we ularning a'ile-tawabi'atlirigha sewir-taqetler tilep du'a qildi. Mezkur jem'iyetning telim-terbiye ishliri mes'uli abdurahman qarihajim pütün Uyghur xelqini birlishishke chaqirip söz qildi.

Axirida jama'et wetende yüz bériwatqan weqelerning delil-ispatsiz qiliwatqanliqini jezimleshtürüp, el-yurttiki wetendashlirining bu sahege köprek ehmiyet bérishini tewsiye qildi we chet'ellerdiki muhajirette yashawatqan wetendashlirining dewa ishlirigha sus qarashtek selbiy terepliri heqqide muhakime ilip bardi shuningdek mesililerni hel qilishning chare-tedbirliri heqqide öz qarashlirini otturigha qoydi.

Toluq bet