Гума пичақлиқ һуҗум вәқәсиниң тәпсилати ашкариланди (3)

Мухбиримиз шөһрәт һошур
2017-02-24
Елхәт
Пикир
Share
Принт
Гума пичақлиқ һуҗум вәқәсидин кейин хотән тәвәсигә киргүзүлгән броневиклардин бири. 2017-Йили феврал.
Гума пичақлиқ һуҗум вәқәсидин кейин хотән тәвәсигә киргүзүлгән броневиклардин бири. 2017-Йили феврал.
ts.cn


Һуҗумчиларниң теги гумидики тинҗимас йеза-көктерәк икәнлики мәлум болди

Ениқлашлиримиз давамида 14-феврал күни гума базирида пичақлиқ һуҗум елип барған үч һуҗумчиниң теги көктерәклик икәнлики ашкариланди. Гуминиң көктерәк йезиси үрүмчидә йүз бәргән 22-май әтигәнлик базар һуҗуми қатарлиқ бирқанчә чоң вәқә һуҗумчилириниң туғулуп өскән йезиси болуп, мәзкур 3 һуҗумчиниң ата-аниси 15 йиллар илгири әнә шу тинҗимас йеза көктерәктин көчүп кәлгән. Булар гума базирида деһқанчилиқтин башқа, улақчилиқ кәспи билән шуғуллинип келиватқан иқтисадий әһвали яхши аилиләрдин икән.

2014-Йили йили үрүмчидә йүз бәргән 22-май әтигәнлик базар һуҗумини гума көктерәклик 5 киши елип барған. 2014-Йили өктәбир гума базирида йүз бәргән сақчи қаравулханисиға мотосеклитлиқ һуҗум қилиш вәқәсиму көктерәклик икки һуҗумчи тәрипидин елип берилған. Өткән йили 10-синтәбир күни гума наһийәлик сақчи идарисиниң муавин башлиқи ғәйрәт мамут көктерәк йезисида ой тәкшүрүш давамида гәмидә бомба партилап өлгән. Бу қетимқи пичақлиқ һуҗумчиларниң ата-аниси буниңдин 15 йиллар аввал көктерәктин көчүп кәлгән.

Һөрмәтлик радийо аңлиғучилар, һуҗумчиларниң иқтисадий әһвалиниң нормал икәнлики, һуҗумда иқтисадий сәвәбниң муһим рол ойнимиғанлиқини ишарәтлимәктә. Йиллардин бери, мустәқил көзәкүчиләр уйғур мәсилисиниң ялғуз иқтисадий мәсилә әмәс, көп тәрәплимә мәсилә икәнликини, буниң һәммидин аввал бир сиясий мәсилә икәнликини илгири сүрүп кәлгән.

Пикирләр (0)
Share
Толуқ бәт