Guma pichaqliq hujum weqesining tepsilati ashkarilandi (3)

Muxbirimiz shöhret hoshur
2017-02-24
Share
guma-qarshiliq-herbiy-5.jpg Guma pichaqliq hujum weqesidin kéyin xoten tewesige kirgüzülgen bronéwiklardin biri. 2017-Yili féwral.
ts.cn


Hujumchilarning tégi gumidiki tinjimas yéza-köktérek ikenliki melum boldi

Éniqlashlirimiz dawamida 14-féwral küni guma bazirida pichaqliq hujum élip barghan üch hujumchining tégi köktéreklik ikenliki ashkarilandi. Gumining köktérek yézisi ürümchide yüz bergen 22-may etigenlik bazar hujumi qatarliq birqanche chong weqe hujumchilirining tughulup ösken yézisi bolup, mezkur 3 hujumchining ata-anisi 15 yillar ilgiri ene shu tinjimas yéza köktérektin köchüp kelgen. Bular guma bazirida déhqanchiliqtin bashqa, ulaqchiliq kespi bilen shughullinip kéliwatqan iqtisadiy ehwali yaxshi a'ililerdin iken.

2014-Yili yili ürümchide yüz bergen 22-may etigenlik bazar hujumini guma köktéreklik 5 kishi élip barghan. 2014-Yili öktebir guma bazirida yüz bergen saqchi qarawulxanisigha motoséklitliq hujum qilish weqesimu köktéreklik ikki hujumchi teripidin élip bérilghan. Ötken yili 10-sintebir küni guma nahiyelik saqchi idarisining mu'awin bashliqi gheyret mamut köktérek yézisida oy tekshürüsh dawamida gemide bomba partilap ölgen. Bu qétimqi pichaqliq hujumchilarning ata-anisi buningdin 15 yillar awwal köktérektin köchüp kelgen.

Hörmetlik radiyo anglighuchilar, hujumchilarning iqtisadiy ehwalining normal ikenliki, hujumda iqtisadiy sewebning muhim rol oynimighanliqini isharetlimekte. Yillardin béri, musteqil közeküchiler Uyghur mesilisining yalghuz iqtisadiy mesile emes, köp tereplime mesile ikenlikini, buning hemmidin awwal bir siyasiy mesile ikenlikini ilgiri sürüp kelgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet