Guma nahiyisining duwa bazirida yüz bergen 10 - iyun qanliq weqeside az dégende 8 kishi ölgenliki éniqlandi

Muxbirimiz shöhret hoshur
2015.06.22
Share on WhatsApp
Share on WhatsApp
Guma-xerite-map-305.jpg Xeritide xoten guma nahiyisining orni körsitilgen.
RFA


Muxbirimizning ilgirilep ehwal éniqlishi dawamida, guma nahiyisining duwa bazirida yüz bergen 10 - iyun qanliq weqeside az dégende 8 kishi ölgenliki aydinglashti. Bazarliq saqchixana xadimining ashkarilishiche, shu küni duwa bazirining 4 - kentidiki sayliqita qoy béqiwatqan bir malchi, sayda su éliwatqan bir gumanliq kishini uchritip, ehwalni kent mes'uligha melum qilghan, kent mes'uli arqiliq ehwaldin xewer tapqan xitay saqchiliri neq meydan'gha yétip kélip sayliqni qorshawgha alghan. Muxbirimizning éniqlishidin mezkur sayliqta qorshawgha élin'ghanlarning kimliki, qorshawning qanchilik dawam qilghanliqi, gumandarlarning teslim bolushqa chaqirilghan - chaqirilmighanliqi qatarliq tepsilatlar melum emes, emma weqede az dégende 8, köp bolghanda 12 kishining ölgenliki, gumandarlarning hemmisiningla, duwa bazirining sirtidin ikenliki melum.

Hörmetlik radiyo anglighuchilar, biz bu weqede ilgirilep melumat élish üchün, gumida dawam qiliwatqan basturush heriketliride yétekchi rol oynawatqan, bu nahiyining jama'et xewpsizlik qomandanliq merkizige téléfon qilduq. Qomandanliq merkizining bir emeldari we yaki bir chaparmeni ikenliki melum bolmighan bir xitay saqchi téléfonimizgha qopalliq bilen jawab berdi.

Elpazidin bir dölet xadimigha xas keypiyatni körüsh mumkin bolmighan bu xadim, gerche so'allirimizning neq özige jawab bermigen bolsimu, duwida shundaq bir weqening yüz bergenlikini inkar qilmidi.

Bu xitay yene, xitayning axbaratqa ochuq bir dölet ikenlikini, emma chet'el muxbirining téléfon ziyaritini qobul qilmaydighanliqini bayan qildi.

Awazidin Uyghurgha qarita ghezep - nepriti partlap turghan bu xadim, erkin asiya radiyosini bilidighanliqini isharet qilip, téléfonni qoyuwetti.

Biz arqidin duwa bazirigha qoshna bolghan yene bir saqchixanigha téléfon qilduq we bezi melumatlargha érishtuq.

Hörmetlik radiyo anglighuchilar, yuqiriqi melumatlardin gumada yüz bergen 10 - iyun qanliq weqeside az dégende 8 kishi ölgenliki melum, emma gumandarlarning rastinla bir pida'iylar guruppisi yaki bir turmush helekchilikidiki seperchiler guruppisi we yaki bir a'ile kishiliri ikenliki hazirche melum emes.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.