Rabiye qadir xanim kanada parlaméntida Uyghurlar duch kéliwatqan kishilik hoquq depsendichiliklirini anglatti

Kanada parlaménti we kanada tashqi ishlar ministirliqining teklipige bina'en, üch künlük ziyarette bolush üchün kanada paytexti ottawagha yétip kelgen dunya Uyghur qurultiyining re'isi rabiye qadir xanim, kanada parlaméntida ötküzülgen Uyghurlar heqqidiki guwahliq bérish yighinigha qatniship, Uyghurlar duch kéliwatqan kishilik hoquq depsendichiliklirini kanada parlamént ezalirigha anglatti.

Guwahliq bergenler ichide yene, xelq'ara kechürüm teshkilati kanada shöbisining bashliqi alikis, dunya Uyghur qurultiyining sabiq mu'awin re'isi memet toxti we kanada Uyghur jem'iyitining re'isi qéyum mesimuf qatarliqlarmu bar.

Bir parlamént ezasining, “Sherqi türkistandiki xitaylarning hazirqi nopusi qanchilik?” dégen so'aligha rabiye qadir xanim jawab bérip, sherqi türkistandiki xitay nopusi 1949-yilida 2% bolghan bolsa, hazir 55% ke yétip, sherqi türkistanning heqliq igiliri bolghan Uyghurlar san jehettin az sanliq ehwalgha chüshüp qalghanliqini, bu xil ehwalni xitay hökümitining Uyghur xelqini assimilyatsiye qilish üchün meqsetlik halda élip bériwatqan nopus yötkesh siyasiti keltürüp chiqiriwatqanliqini emeliy misallar bilen chüshendürdi.

Tepsilatini yuqiridiki awaz ulinishidin anglighaysiler.