Һәрбий парат мәзгилидә йәкәндә вәқә чиққанлиқи ашкариланди

Мухбиримиз шөһрәт һошур
2015-09-03
Share
qeshqer-saqchi-herbiy-uyghur-qarshiliq.jpg Коча чарлаватқан хитай қораллиқ күчлири. 2014-Йили 3-март, қәшқәр.
Imaginechina


Бүгүн хитайчә довей вә япончә Mainichi Shimbun қатарлиқ ахбарат вастилири хитайниң һәрбий парат һарписида йәкәндә қораллиқ қаршлиқ һәрикити йүз бәргәнлики вә буниң билән йәркәндә хитай қораллиқ қисимлириниң җиддий һаләткә өткәнлики хәвәр қилинди. Вәқәниң тәпсилати һәққидә һечқандақ мәлумат берилмигән бу хәвәрдә, йәкән базирида шу мәзгилдә партлаш вә оқ авази аңланғанлиқи тилға елинған. Мухбиримиз бүгүн бу мәлуматқа асасән йәкән наһийә базири вә әтраптики сақчиханиларға телефон қилип вәқә һәққидә мәлумат сориди. Бир қсим сақчилар вәқәдин пүтүнләй хәвәрсизликини ейтса, бәзилири вәқәләрни ашкарилмаслиқ һәққидә юқиридин уқтуруш барлиқини, шуңа бу һәқтә мәлумат берилмәйдиғанлиқини ейтти; йеңиөстәң сақчиханисиниң хадимлири болса, вәқәниң бир һуҗум қилиш вәқәси икәнликини, өзлиридин 17 километир узақта йүз бәргәнликини вә сақчиларниң нөвәттә уруш һалитидә туриватқанлиқини ашкарилиди.

Һөрмәтлик радийо аңлиғучилар, йеңиөстәң сақчи хадими өз тәвәликидин 17 километир йирақлиқта вәқә чиққанлиқини, вәқәдә наһийилик сақчи идарисиниң һуҗумға учриғанлиқини баян қилди, әмма мунасивәтлик материялларда йеңиөстәң йезисиниң наһийә базиридин пәқәт 8 киломтер узақлиқта икәнлики көрситилмәктә. Телефонимизни қобул қилған сақчи хадимлириниң җиддий вә алақзадә кәйпияти һәрбий парат һарписида йәкәндә вәқә чиққанлиқини вә вәқә һәққидики учурларниң қаттиқ контрол қилиниватқанлиқини ашкарилимақта.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт