Shayar “30-Iyun” hijret délosigha chétishliq gumandarlar sanining 50 din ashidighanliqi we 4 nepirining kimliki ashkarilandi
2015.01.07

Xitay metbu'atliri ötken hepte shayar nahiyilik saqchi idarisi xadimlirining 76 sa'et heriket élip bérip, bir ayal gumandarni gu'angjudin tutup kelgenliki heqqide xewer berdi. Xewerdin melum bolushiche, shayar saqchiliri ötken yili 6-ayda wiyétnam arqiliq chet'elge chiqip kétishni pilanlighan bir hijretchiler délosini pash qilghan.
“30-Iyun” délosi dep atalghan bu délogha chétishliq gumandarlardin bir qismi 7-ayning 18-küni xénen ölkisidin tutup kélin'gen؛ mökünüp yürüwatqan 21 yashliq bir ayal gumandar bir yashliq balisi bilen birlikte gu'angjudin tutup kélin'gen, emma xewerde délogha chétishliq gumandarlarning omumi sani, kimliki we aqiwiti heqqide melumat bérilmigen. Muxbirimizning bügün saqchi we kent mes'ulliridin bu heqtiki éniqlashliri dawamida, délogha chétishliq gumandarlarning 50din ashidighanliqi éniqlandi we bulardin toyboldi yézisigha tewe 4 nepirining kimlikliri ashkarilandi.
Tepsilatini awaz ulinishidin anglighaysiler.