Arzu nurmemet: jéjyang yiwudiki Uyghurlargha qilin'ghan heqsizliq xitay ahalilerningmu naraziliqini qozghidi

Muxbirimiz shöhret hoshur
2016-10-25
Élxet
Pikir
Share
Print
Poyiz istansisidiki pichaq bilen hujum qilish weqesidin kéyin qoralliq küchler etrapni charlimaqta. 2014-Yili 3-mart, kunming.
Poyiz istansisidiki pichaq bilen hujum qilish weqesidin kéyin qoralliq küchler etrapni charlimaqta. 2014-Yili 3-mart, kunming.
AFP

Nöwette türkiyede anisi we ikki inisi bilen birlikte yashawatqan arzu nurmemet muxbirimiz bilen bügünki söhbiti dawamida, bir yil awwal jéjyang yiwuda dukan échiwatqan mezgilide körgen we béshidin ötkenler heqqide melumat berdi. Uning bayan qilishiche, ötken yilning béshid yiwugha Uyghur rayonidin zor bir türküm saqchilar yétip kélip yiwuda tijaret qiliwatqan Uyghurlar üstidin qattiq nazaret we tutqun élip barghan. Bolupmu, diniy keypiyati bayqalghan Uyghurlargha qarita nuqtiliq we zorawanliq bilen élip bérilghan bu tutqun, hetta yiwudiki xitay ahalilirinimu bi'aram qilghan.

Hörmetlik radiyo anglighuchilar, yiwuda qanchilik sanda Uyghurning barliqi yaki bolghanliqi melum emes, emma yéqinqi yillarda Uyghur rayonining siyasiy weziyiti jiddiyleshkendin kéyin, Uyghur rayonidiki saqchilarning xitay ölkiliridiki Uyghurlarni qattiq nazaret qiliwatqanliqi arilap axbaratlarda xewer qilinmaqta. Arzu nurmemetning yuqiriqi bayanliridin qarighanda, Uyghur rayonidin kelgen saqchilarning zorawanliqi, yiwudiki bir qisim xitay ahaliliriningmu naraziliqini qozghighan.

Toluq bet