Илһам тохти вә уйғурларниң кишилик һоқуқи намлиқ йиғин өткүзүлди

Ихтиярий мухбиримиз әкрәм
2016.12.12
Share on WhatsApp
Share on WhatsApp
Ilham-toxti-we-uyghurlarning-kishilik-hoquqi-1.jpg Илһам тохти вә уйғурларниң кишилик һоқуқи намлиқ йиғиндин көрүнүш. 2016-Йили 12-декабир, мюнхен.
RFA/Ekrem
Ilham-toxti-we-uyghurlarning-kishilik-hoquqi-1.jpg

Илһам тохти вә уйғурларниң кишилик һоқуқи намлиқ йиғиндин көрүнүш. 2016-Йили 12-декабир, мюнхен. RFA/Ekrem

Ilham-toxti-we-uyghurlarning-kishilik-hoquqi-2.jpg

Илһам тохти вә уйғурларниң кишилик һоқуқи намлиқ йиғиндин көрүнүш. 2016-Йили 12-декабир, мюнхен. RFA/Ekrem

Ilham-toxti-we-uyghurlarning-kishilik-hoquqi-3.jpg

Илһам тохти вә уйғурларниң кишилик һоқуқи намлиқ йиғиндин көрүнүш. 2016-Йили 12-декабир, мюнхен. RFA/Ekrem

Ilham-toxti-we-uyghurlarning-kishilik-hoquqi-4.jpg

Илһам тохти вә уйғурларниң кишилик һоқуқи намлиқ йиғиндин көрүнүш. 2016-Йили 12-декабир, мюнхен. RFA/Ekrem

Ilham-toxti-we-uyghurlarning-kishilik-hoquqi-5.jpg

Илһам тохти вә уйғурларниң кишилик һоқуқи намлиқ йиғиндин көрүнүш. 2016-Йили 12-декабир, мюнхен. RFA/Ekrem

12-Декабир баварийә парламентида “илһам тохти вә уйғурларниң кишилик һоқуқи” намлиқ хәлқаралиқ йиғин өткүзүлди.

Бу қетимқи йиғинға америка, германийә, канада, тәйвән, голландийә, белгийә, фирансийә, әнглийә қатарлиқ әлләрдин кәлгән кишилик һоқуқ мутәхәссислири, паалийәтчиләр, сиясийонлар, баварийә парламентиниң милләт вәкиллири, мюнхендики уйғур җамаити, һәр саһә мухбирлар болуп 80 гә йеқин киши қатнашти.

Йиғин чүштин бурун саәт 11:00 да баварийә парламентида башланди. Йиғинға йешиллар партийисиниң рәиси маргарита бавзе ханим саһибханилиқ вә риясәтчилик қилди. Саәт 15:30 ға қәдәр 4 саәт давамлишип ахирлашқан бу йиғинда җәмий 24 нәпәр кишилик һоқуқ паалийәтчиси сөз қилди. Уларниң сөз темиси, уйғурларниң нөвәттики вәзийити, илһам тохти мәсилиси, хитайдики инсан һәқлири дәпсәндичиликигә мәркәзләшти.

Илһам тохти гурупписиниң мәсули әнвәрҗан әпәнди бу қетимқи йиғинниң күткинидикидинму нәтиҗилик болғанлиқини тилға алди. Уйғур сиясий әрбаблиридин әркин алип текин әпәндиму йиғинниң мувәппәқийитигә юқири баһа бәрди. Илһам тохти гурупписиниң мәсуллиридин мари холизман ханимму йиғинға болған иҗабий баһалирини тилға елип өтти.

Бу қетимқи йиғинға тәйвәндин келип қатнашқан вә уйғурлар һәм хитай вәзийити тоғрилиқ сөз қилған өркәш дөләт әпәндиму, йиғинниң мувәппәқийитини муәййәнләштүрди. Хитай демократик һәрикитиниң вәкиллиридин шең шө ханимму бу йиғинға юқири баһалар берип, уйғурлар мәсилисини хәлқарада тонутуш билән биргә, хитай хәлқигиму тонутушниң зөрүрлүкини тилға алди. Хәтәр астидики милләтләрни қоғдаш тәшкилати асия ишлири бөлүминиң мәсули улрик делюс әпәнди һәм йиғинниң нәтиҗилик бир йиғин болғанлиқидин көп сөйүнгәнликини билдүрди.

Бу қетимқи йиғинни илһам тохти гурупписи, хәтәр астидики милләтләрни қоғдаш тәшкилати, вакаләтсиз милләтләр тәшкилати вә германийә йешиллар партийиси бирликтә уюштурған иди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.