Uyghur tili tetqiqatchisi jéné bunin: "Uyghurlarning éghir weziyiti téxi yéterlik yorutulmidi"

Muxbirimiz gülchéhre
2018-07-27
Share
Gene-Bunin.jpg Uyghur tili tetqiqatchisi jéné bunin.
Social Media

Uyghur tili tetqiqati bilen shughulliniwatqan we yéqinqi aylarda ijtima'iy taratqularda Uyghur éli weziyiti heqqide köplep uchurlar tarqitiwatqan amérikiliq tetqiqatchi jéné bunin bügün qazaqistandin téléfon ziyaritimizni qobul qilip, özining may éyining axirida Uyghur élidin ayrilishqa mejbur bolghanliqi heqqide melumat berdi. U özining qeshqerdiki eng awat kocha bolghan östeng boyi kochisida turush jeryanida 50-60 pirsent Uyghurlarning dukan we réstoranlarning taqilip qalghanliqi, hetta héytgah jamesige jüme künliridimu adem kirmes bolup qalghanliqi, öziningmu nurghun dostlirining lagérlargha élip kétilgenlikidek Uyghur diyarida özi shahit bolghan bir qatar ehwallarni rawan Uyghur tilida sözlep berdi. Jéné ependi özige Uyghurche alimjan ismini qollan'ghan bolup, uning qarishiche, gerche Uyghur weziyiti heqqide chet'el axbaratlirida xéli köp xewerler bériliwatqan bolsimu, emma Uyghur élining nöwettiki éghir weziyiti téxi yéterlik derijide yorutulmighan iken.

Awaz ulinishtin muxbirimiz gülchéhrening jéné bunin ependi, yeni alimjan bilen ötküzgen söhbitige diqqet bergeysiz.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet