Jenwediki b d t bash shtabi aldida xitaygha qarshi zor namayish ötküzüldi

Ixtiyariy muxbirimiz ekrem muxbirimiz sada
2018-11-06
Élxet
Pikir
Share
Print
Jenwe shehiridiki b d t bash shtabi aldida minglighan Uyghurlar xitaygha qarshi qilghan keng kölemlik namayishidin körünüsh. 2018-Yili 6-noyabir, shiwétsariye.
Jenwe shehiridiki b d t bash shtabi aldida minglighan Uyghurlar xitaygha qarshi qilghan keng kölemlik namayishidin körünüsh. 2018-Yili 6-noyabir, shiwétsariye.
AP

11-Ayning 6-küni shiwétsariyening jenwe shehiridiki b d t bash shtabi aldida yawropa, amérika, asiya we awstraliyedin ibaret 4 qit'ediki 22 dölettin kelgen minglighan Uyghur xitaygha qarshi keng kölemlik namayishi qildi.

Bu namayishni d u q uyushturghan bolup, Uyghurlardin sirt tibetlikler, xitay démokratliri, mongghullar, qazaqlar, wiyétnamliqlar we jenwediki köpligen xelq'araliq kishilik hoquq teshkilatlirining wekillirimu qatnashti. Uningdin bashqa bu namayishqa yene dunyaning herqaysi jayliridin kelgen yüzlerche chet'elliklermu bu namayish sépige qoshuldi.

Jenwediki b d t bash shtabi aldini aldini ay-yultuzluq kök bayraqlar qaplidi. Xitaygha qarshi jarangliq sho'ar sadaliri etrapni lerzige saldi.

Bügün 11-ayning 6-küni b d t kishilik hoquq kéngishi teripidin xitayning kishilik hoquq weziyitini közdin köchürüsh yighini resmiy bashlandi. Dunya Uyghur qurultiyi bu namayishni del mushu kün'ge toghrilap orunlashturghan idi.

Dunyaning jay-jayliridin kéchilep yol yürüp seher sa'et 9 bilen b d t kishilik hoquq kéngishining xizmet binasi bolghan wilson merkizi aldigha jem bolghan namayishchilar bu yerde 2 sa'et namayish qilip, sa'et 11 bilen uzun sep tüzüp b d t bash shtabigha qarap yürüsh qildi.

Namayishchilar yol boyi xitaygha qarshi türlük sho'arlarni towlap jenwe kochilirini tewretti. Namayishchilar b d t bash shtabi aldigha toplan'ghandin kéyin, d u q re'isi dolqun eysa ependi bu qétimqi namayishning meqsiti hem tarixiy ehmiyiti toghrisida nutuq sözlidi. Biz namayish meydanidiki bir qisim Uyghurlarni neq meydanda ziyaret qilip, ularning tesiratlirini igilesh pursitige érishtuq. Diqqitinglar programmimizning awazliq tepsilatida bolsun.

Toluq bet