Уйғур вәкиллири “җәнвә алий дәриҗиликләр учришиши” йиғинида

Ихтиярий мухбиримиз әкрәм
2017.02.21
Share on WhatsApp
Share on WhatsApp
Muhemmed-nashid-dolqun-eysa.jpg Д у қ баш катипи долқун әйса әпәнди б д т йиғинида һинди окянға җайлашқан малдив җумһурийитиниң сабиқ президенти муһәммәд нашид әпәндигә “җәнвә алий дәриҗиликләр учришиши” йиғининиң 2017-йиллиқ мукапатини бериш алдида. 2017-Йили 21-феврал, җәнвә.
RFA/Ekrem

Шветсарийәниң җәнвә шәһиридики бирләшкән дөләт тәшкилатиниң мәркизидә “җәнвә алий дәриҗиликләр учришиши” йиғини башланди. Д у қ баш катипи долқун әйса вә д у қ ниң б д т һәм явропа иттипақиға мәсул хадими керәм шериплар бу йиғинға қатнашти.

2-Айниң 21-күни бирләшкән дөләтләр тәшкилатиниң шветсарийәниң җәнвә шәһиридики мәркизиниң хәлқара илмий муһакимә йиғин залида башланған “демократийә вә кишилик һоқуқ үчүн җәнвә алий дәриҗиликләр учришиши” йиғинини д у қ ни өз ичигә алған 25 хәлқаралиқ кишилик һоқуқ тәшкилати уюштурған болуп, йиғинға һәрқайси дөләтләрниң баш министирлири, әдлийә министирлири, б д т да турушлуқ баш әлчилири, дипломатлар, сиясийонлар, кишилик һоқуқ тәшкилатлириниң мәсуллиридин болуп 500 әтрапида киши қатнашқан. 3 Күн давамлишидиған бу йиғинға уйғурларға вакалитән д у қ баш катипи долқун әйса вә д у қ ниң б д т һәм явропа иттипақиға мәсул хадими, сабиқ дипломат керәм шерип әпәндиләрму иштирак қилған.

Долқун әйса вә керәм шерипларниң бүгүн б д т мәркизидин бәргән мәлуматиға асасланғанда, “демократийә вә кишилик һоқуқ үчүн җәнвә алий дәриҗиликләр учришиши”мавзулуқ йиғинниң ечилиш мурасимида мәзкур йиғинни уюштурған д у қ қатарлиқ 25 хәлқаралиқ тәшкилатқа б д т намидин рәһмәтләр билдүрүлгән.

Долқун әйса әпәнди бүгүнки бу йиғин тоғрисида зияритимизни қобул қилғанда, йиғинға һәрқайси әлләрниң муһим дөләт әрбаблиридин сирт йәнә, дуняниң һәр җайлиридики диктатор һакимийәтләрниң қурбанлири, кишилик һоқуқ дәпсәндичиликиниң шаһитлири, қул қилинған өсмүрләр қатарлиқ гуваһлиқ бәргүчи шәхсләрниңму иштирак қилғанлиқини тилға алди. Долқун әйса әпәнди сөзидә йәнә, мәзкур йиғинниң 1-күнидики асасий мәзмунларни диққитимизгә сунуш билән биргә, бүгүн бир күн ичидә б д т да елип барған түрлүк шәкилләрдики паалийәтләрдинму мәлумат бәрди.

Д у қ ниң б д т вә явропа иттипақиға мәсул хадими, сабиқ дипломат керәм шерип әпәндиму зияритимизни қобул қилип, б д т дики йиғин һәмдә паалийәтләрдин һасил қилған тәсиратлирини баян қилип өтти.

Мәлумки, “демократийә вә кишилик һоқуқ үчүн җәнвә алий дәриҗиликләр учришиши” йиғини 2008-йилидин буян ечиливатқан болуп, бу йиғин һәр йили 3-айда башлинидиған, йилда 3 қетим қәрәллик һалда өткүзүлидиған б д т кишилик һоқуқ кеңиши йиғининиң ғәлибилик давам қилиши һәмдә хәлқарадики мәвҗут мәсилиләрни һәл қилиш үчүн алдин бесишқа тегишлик тәйярлиқ қәдими болуп қалған.

Долқун әйса әпәндиниң билдүрүшичә, д у қ вәкиллириниң б д т дики паалийәтлири 2-айниң 23-күнигичә давамлишидикән. Бу үч күн җәрянида б д т ниң бәзи юқири дәриҗилик хадимлири вә һәрқайси дөләтләрниң б д т да турушлуқ әлчилири билән айрим сөһбәтләр елип баридикән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт