Uyghur wekilliri "Jenwe aliy derijilikler uchrishishi" yighinida

Ixtiyariy muxbirimiz ekrem
2017-02-21
Élxet
Pikir
Share
Print
D u q bash katipi dolqun eysa ependi b d t yighinida hindi okyan'gha jaylashqan maldiw jumhuriyitining sabiq prézidénti muhemmed nashid ependige "Jenwe aliy derijilikler uchrishishi" yighinining 2017-yilliq mukapatini bérish aldida. 2017-Yili 21-féwral, jenwe.
D u q bash katipi dolqun eysa ependi b d t yighinida hindi okyan'gha jaylashqan maldiw jumhuriyitining sabiq prézidénti muhemmed nashid ependige "Jenwe aliy derijilikler uchrishishi" yighinining 2017-yilliq mukapatini bérish aldida. 2017-Yili 21-féwral, jenwe.
RFA/Ekrem

Shwétsariyening jenwe shehiridiki birleshken dölet teshkilatining merkizide "Jenwe aliy derijilikler uchrishishi" yighini bashlandi. D u q bash katipi dolqun eysa we d u q ning b d t hem yawropa ittipaqigha mes'ul xadimi kérem shériplar bu yighin'gha qatnashti.

2-Ayning 21-küni birleshken döletler teshkilatining shwétsariyening jenwe shehiridiki merkizining xelq'ara ilmiy muhakime yighin zalida bashlan'ghan "Démokratiye we kishilik hoquq üchün jenwe aliy derijilikler uchrishishi" yighinini d u q ni öz ichige alghan 25 xelq'araliq kishilik hoquq teshkilati uyushturghan bolup, yighin'gha herqaysi döletlerning bash ministirliri, edliye ministirliri, b d t da turushluq bash elchiliri, diplomatlar, siyasiyonlar, kishilik hoquq teshkilatlirining mes'ulliridin bolup 500 etrapida kishi qatnashqan. 3 Kün dawamlishidighan bu yighin'gha Uyghurlargha wakaliten d u q bash katipi dolqun eysa we d u q ning b d t hem yawropa ittipaqigha mes'ul xadimi, sabiq diplomat kérem shérip ependilermu ishtirak qilghan.

Dolqun eysa we kérem shériplarning bügün b d t merkizidin bergen melumatigha asaslan'ghanda, "Démokratiye we kishilik hoquq üchün jenwe aliy derijilikler uchrishishi"mawzuluq yighinning échilish murasimida mezkur yighinni uyushturghan d u q qatarliq 25 xelq'araliq teshkilatqa b d t namidin rehmetler bildürülgen.

Dolqun eysa ependi bügünki bu yighin toghrisida ziyaritimizni qobul qilghanda, yighin'gha herqaysi ellerning muhim dölet erbabliridin sirt yene, dunyaning her jayliridiki diktator hakimiyetlerning qurbanliri, kishilik hoquq depsendichilikining shahitliri, qul qilin'ghan ösmürler qatarliq guwahliq bergüchi shexslerningmu ishtirak qilghanliqini tilgha aldi. Dolqun eysa ependi sözide yene, mezkur yighinning 1-künidiki asasiy mezmunlarni diqqitimizge sunush bilen birge, bügün bir kün ichide b d t da élip barghan türlük shekillerdiki pa'aliyetlerdinmu melumat berdi.

D u q ning b d t we yawropa ittipaqigha mes'ul xadimi, sabiq diplomat kérem shérip ependimu ziyaritimizni qobul qilip, b d t diki yighin hemde pa'aliyetlerdin hasil qilghan tesiratlirini bayan qilip ötti.

Melumki, "Démokratiye we kishilik hoquq üchün jenwe aliy derijilikler uchrishishi" yighini 2008-yilidin buyan échiliwatqan bolup, bu yighin her yili 3-ayda bashlinidighan, yilda 3 qétim qerellik halda ötküzülidighan b d t kishilik hoquq kéngishi yighinining ghelibilik dawam qilishi hemde xelq'aradiki mewjut mesililerni hel qilish üchün aldin bésishqa tégishlik teyyarliq qedimi bolup qalghan.

Dolqun eysa ependining bildürüshiche, d u q wekillirining b d t diki pa'aliyetliri 2-ayning 23-künigiche dawamlishidiken. Bu üch kün jeryanida b d t ning bezi yuqiri derijilik xadimliri we herqaysi döletlerning b d t da turushluq elchiliri bilen ayrim söhbetler élip baridiken.

Toluq bet