B d t kishilik hoquq kéngishide Uyghurlar mesilisi yene otturigha qoyuldi

Ixtiyariy muxbirimiz ekrem
2015.09.25
Dolqun-eysa-jenwe-yighin.jpg Dolqun eysa ependi jenwediki yighinda chüshken xatire süret. 2015-Yili 24-séntebir.
RFA/Ekrem

B d t kishilik hoquq kéngishining 30-nöwetlik yighini 9-ayning 14-küni jenwede bashlan'ghan bolup, 10-ayning 2-küni axirlishidighan bu yighin'gha d u q ijra'iye komitéti re'isi dolqun eysa we qurultay programma xadimi pétir ependiler qatniship Uyghurlar mesilisini tekrar otturigha qoyghan.

D u q rehberlirining bildürüshiche, b d t kishilik hoquq kéngishi yighini Uyghurlarni dunyagha tonutushta yaxshi pursetler bilen teminlimekte. D u q xadimliri Uyghurlar mesilisini b d t da küntertipke ekélish, xitayning Uyghur ilida élip bériwatqan jinayetlirini pash qilish we dunya miqyasida keng jama'et pikri hazirlash üchün yillardin béri térishchanliq körsitip kelmekte.

Dolqun eysa ependining bügün jenwedin bergen melumatigha asaslan'ghanda, her yilqigha oxshash bu qétimmu d u q zor teyyarliqlar bilen aldinqi hepte qurultay xadimi pétirni kishilik hoquq kéngishining bu nöwetlik yighinigha ewetip, Uyghurlarning nöwettiki weziyiti we xitay zulumi heqqide yighin ehlige doklat teqdim qilish pursitige érishken. Pétirning bolupmu taylandtin qayturulghan 109 neper Uyghur toghrisidiki doklati herqaysi el wekillirining küchlük diqqitige ulashqan.

22-Séntebirdin buyan jenwede pa'aliyet élip bériwatqan dolqun eysa ependi özining bügün b d t kishilik hoquq kéngishi zalida tibet, Uyghur qatarliq yettidin artuq millet teshkilatliri birlikte uyushturghan “ Ten jazasi we xitay hökümiti” namliq yighin'gha qatnashqanliqini tilgha aldi. Yighinda u, xitayning sherqiy türkistanda élip bériwatqan tutqun qilish we basturush siyasetlirini pash qilghan. Uyghur xelqining yalghuz jismaniy zerbilergila emes, éghir meniwi zerbilergimu uchrawatqanliqini tekitligen. Dolqun eysa ependi bu qétimqi yighinda yene, ilham toxti mesilisini otturigha tashlap, dunya jama'itining diqqitini chekken. Dolqun eysa Uyghur ilida ten jazasi bilen mejburiy iqrar qildurulghan we türmide öltürülgen bir qisim Uyghurlarni misalgha élip, yighinda zor ghulghula peyda qilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.