Jünkun shirkiti atush yerlik hökümet da'iriliri bilen birliship semi niyaz akining 25 mo yérini tartiwalghan

Muxbirimiz qutlan
2013-11-29
Élxet
Pikir
Share
Print
Namelum kishiler teripidin yérim kéchide aghduruwétilgen ghulja shehiri qaradöng yéza bayköl kentide olturushluq déhqan tursun turghunning 8 mo bughdayliqidin körünüsh. 2013-Yili 17-may.
Namelum kishiler teripidin yérim kéchide aghduruwétilgen ghulja shehiri qaradöng yéza bayköl kentide olturushluq déhqan tursun turghunning 8 mo bughdayliqidin körünüsh. 2013-Yili 17-may.
RFA


Uyghur élining jenubiy qismida zor miqdardiki yerlerni igiliwalghan xitayning jünkun shirkiti 2006 - yili atush shehirining süntagh yézisidiki déhqanlarning 500 mo yérini mejburi éliwalidu. Atush sheherlik yerlik hökümet da'irilirining bésimi bilen shoruq kentide olturushluq semi niyaz akining 25 mo yérimu ashu qétim mejburi tartiwélinidu.

Téximu échinishliq bolghini shuki, jünkün shirkiti uninggha peqet 8 mo yerning heqqinila hésablap aran 300 nechche ming ywen pul béridu. Buninggha narazi bolghan semi niyaz aka hazirgha qeder qizilsu oblasti, Uyghur aptonom rayonluq hökümet organliri hetta béyjingghiche erz qilip baridu, lékin héchqandaq netijige érishelmeydu. Yerlik da'iriler ikki qétim uni tutup qamaydu. Atush sheherlik saqchi idarisi deslep uni merkezge erzge mangghan sepiride tutup 32 kün qamap qoyidu. Semi niyaz aka buningliq bilen bu dewadin waz kechmeydu.

2010 - Yili hökümet da'iriliri uni yer sétish qeghizige imza qoyushqa qistaydu, u imza qoyushni ret qilghanda bir kéchidila put qollirini baghlap tutup turush ornigha 10 kün qamap qoyidu hemde mushu pursettin paydillinip uning öy - makanlirini chéqip, xitay shirkitining qurulush sélishigha ötküzüp béridu. Shuningdin kéyin u töt balisi bilen aran 40 kwadrat métir kélidighan töwen kapaletlik öyde yashashqa mejbur bolidu.

Semi niyaz aka radi'omiz ziyaritini qobul qilip, özining nöwettiki ehwali we özi duch kelgen naheqchilikler heqqide uchur berdi. U yene özining yürek sözlirini dunya jama'etchilikige anglitish arzusini bildürdi.

Yer jayliridin ayrilghan semi niyaz akining xitay hökümet orunlirigha qilghan erzi netije berdimu yoq? uning a'ilisi we bala - chaqiliri hazir némige tayinip kün ötküziwatidu? semi niyaz aka radiyomiz arqiliq dunya jama'etchilikige yene qandaq yürek sözlirini éytti? bu heqtiki programmimizning axiri dawamliq diqqitinglarda bolidu.

Toluq bet