Rabiye qadir xanim kanada tashqi ishlar ministirliqining yuqiri derijilik emeldarliri bilen körüshti

Kanada parlaménti we kanada tashqi ishlar ministirliqining teklipige bina'en, kanadada ziyarette boluwatqan dunya Uyghur qurultiyining re'isi rabiye qadir xanim, kanada tashqi ishlar ministirliqi xitay ishliri diwiziyesining yuqiri derijilik emeldarliri bilen körüshti.

4-Mart küni etigen sa'et 10 da kanada tashqi ishlar ministirliqi xitay ishliri diwiziyesining bir neper aliy derijilik emeldari bilen ikki neper xadimi, rabiye qadir xanimni qobul qilip, rabiye qadir xanimning nöwette Uyghurlar duch kéliwatqan siyasiy, iqtisadi we ijtima'iy mesililer heqqide bergen doklatini anglap ötti. Rabiye qadir xanimgha hemrah bolup, bu qétimqi uchrishishqa qatnashqanlar ichide dunya Uyghur qurultiyining sabiq mu'awin re'isi memet toxti we kanada Uyghur jem'iyitining re'isi qéyum mesimuf qatarliqlarmu bar.

Hörmetlik radi'o anglighuchilar, kanada ministirlar kabintining re'isi jé'isin kéni, kanadadiki Uyghur mesilisini eng yaxshi bilidighan we Uyghurlargha köngül bölüp kéliwatqan ministirlarning biri bolup, shu küni tashqi ishlar ministirliqining qobul qilishi axirlashqandin kéyin, jé'isin kéni rabiye qadir xanim we uning hemrahlirini qobul qilip söhbet élip barghan.

Memet toxti ependi ziyaritimizni qobul qilip, kanada tashqi ishlar ministirliqida dawam qilghan uchrishishlarning emeliy ehwali heqqide melumat berdi.

Tepsilatini yuqiridiki awaz ulinishidin anglighaysiler.