Rabiye qadir xanim kanadadiki ziyariti axirida muxbirlarni kütüwélish yighini ötküzdi

Kanada parlaménti we kanada tashqi ishlar ministirliqining teklipige bina'en, ötken hepte kanadada 3 künlük ziyarette bolghan dunya Uyghur qurultiyining re'isi, Uyghurlarning meniwi anisi rabiye qadir xanim, kanadada orunlashturulghan pa'aliyitining barliq küntertiplirini muweppeqiyetlik orunlap washin'gton'gha qaytti.

Rabiye qadir xanim, kanadagha qaratqan 3 künlük ziyaritining axirqi küni, torontogha yétip kélip, torontoni merkez qilghan halda xitaygha qarshi démokratik pa'aliyet élip bériwatqan kishilik hoquq teshkilatliri, xelq'ara kechürüm teshkilati toronto shöbisi we xitaygha démokratiye élip kélish künlüki astida pa'aliyet élip bériwatqan tibet, falun'gung, démokratik xitay teshkilati qatarliq teshkilatlar birleshmisining mes'ulliri bilen etigenlik nashtida bille boldi.

Rabiye qadir xanim shu küni yene, özi chüshken méhmanxanida, muxbirlarni kütüwélish yighini ötküzüp, omni xewerliri, shyanggang agéntliqi, teywen agéntliqi, yéngi tangliqlar téléwiziyisi qatarliq 15 tin artuq kanada we xitaygha alaqidar axbarat orgini muxbirlirining kunming weqesi we Uyghur diyari weziyitige munasiwetlik sorighan so'allirigha jawab berdi.

Bu munasiwet bilen rabiye qadir xanim ziyaritimizni qobul qilip, muxbirlarni kütüwélish yighinining emeliy ehwalini anglatti.

Yuqiridiki ulinishtin bu programmining tepsilatini anglighaysiler.