Siyasiy pa'aliyetchi kérem qarining 11 neper tughqini tutqun qilin'ghan

Ixtiyariy muxbirimiz arslan
2015.07.25
abdulkerim-kuchar-sozlep-beriwatqan-kurunush.jpg Abdukérem qari söz üstide
RFA/Arslan


Istanbulda yashawatqan we sherqiy türksitan ma'arip we hemkarliq jem'iyitining idare hey'et rehberliridin abdulkerim ziyap kuchar (kérem qari)ning 11 neper tughqining xitay saqchi da'iriliri teripidin tutqun qilinip, beziliri sewebsizla 5 yilliqtin qamaq jazasigha höküm qilin'ghanliqi bildürüldi.

Kérem qarining bildürüshiche, uning akisi himit ziyap we singlisi nursem shundaqla uning hammisi xelchem we hammisining oghulliri bolup 11 neper Uyghur buningdin 6 ay ilgiri aqsu wilayitining kucha nahiyiside saqchilar teripidin héchqandaq sewebsiz tutqun qilin'ghan we akisi bilen singlisi 5 yilliqtin qamaq jazasigha höküm qilin'ghan.

Kérem qarining bildürüshiche, uning akisi 5 yilliq qamaq jazasigha höküm qilghan bolup, u, namaz oqush we chet'eldiki kérem qari bilen téléfonda alaqe qilghanliq bilen eyiblen'gen.

Kérem qarining singlisi islami uzun kiyim keygenliki we islamiy kiyimlerni séliwétishni ret qilghanliqi üchün tutqun qilin'ghan we 5 yilliq qamaq jazasigha höküm qilin'ghan.

Kérem qari tughqanlirining ehwali toghrisida éniq melumatqa ige bolalmighan. Hazir qeyerde, qaysi türmide tutup turuluwatqanliqinimu bilmeydiken.

Bu heqte biz kérem qari bilen élip barghan söhbitimizning tepsilatini yuqiridiki awaz ulinishtin anglighaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.