Тик учар вә атлиқ әскәр, сақчилар тағ бағрида бай көмүр кан һуҗумчилирини издимәктә

Мухбиримиз шөһрәт һошур
2015-09-25
Share
xitay-herbiy-qoralliq-saqchi-charlash.jpg Хитай қораллиқ күчлириниң уйғурни алдиға селип, ойму-ой ахтуруш елип бериватқан көрүнүши. 2014-Йили 9-авғуст, ақсу.
AFP

18 -Сентәбир сәһәрдә бай наһийәсиниң терәк базиридики соған көмүр кениға һуҗум қилған пидаийлар һуҗумдин кейин тағ бағриға чекингәндин буян, та бүгүнгичә тутуқ бәрмигән.

Тәвәликтики чарлаш хадимлириниң ашкарилишичә, нөвәттә гумандарлар йошурунди дәп қаралған тағ бағри һавадин тик учар билән, қуруқлуқтин болса атлиқ һалда чарланмақта. Мәлум болушичә, терәк базар башланғуч мәктипи мәзкур вәқә қоманданлиқ мәркизигә бошитип берилгән. Мәктәпниң путбол мәйдани тик учарларниң қозғилиш вә қутқузуш аптомобиллириниң тохташ мәйдани сүпитидә қоллинилмақта. Йәнә ашкарилинишичә, йәрлик чарлаш хадимлириға гумандарларниң бир гуруппа кишиләр икәнлики, үстигә чарлаш формиси йәни рәңлик ниқаб кийгәнлики уқтурулған.

Нөвәттә тағда чарлаш елип бериватқан хитай қораллиқ күчлиригә ярдәм бериштә қоллиниш үчүн терәк базар, булуң вә қарбағ йезилиридин ат топланмақта.

Радиомиз хитай бөлүминиң игилишичә, нөвәттә байда мәзкур вәқә гумандарлири һәққидә 9 киши үстидин тутуш буйруқи чиқирилған. Әмма бу 9 кишиниң һуҗумни елип барған пидаийларниң һәммиси яки бир қисми икәнлики һазирчә ениқ әмәс.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.