Tik uchar we atliq esker, saqchilar tagh baghrida bay kömür kan hujumchilirini izdimekte

18 -Séntebir seherde bay nahiyesining térek baziridiki soghan kömür kénigha hujum qilghan pida'iylar hujumdin kéyin tagh baghrigha chékin'gendin buyan, ta bügün'giche tutuq bermigen.

Teweliktiki charlash xadimlirining ashkarilishiche, nöwette gumandarlar yoshurundi dep qaralghan tagh baghri hawadin tik uchar bilen, quruqluqtin bolsa atliq halda charlanmaqta. Melum bolushiche, térek bazar bashlan'ghuch mektipi mezkur weqe qomandanliq merkizige boshitip bérilgen. Mektepning putbol meydani tik ucharlarning qozghilish we qutquzush aptomobillirining toxtash meydani süpitide qollinilmaqta. Yene ashkarilinishiche, yerlik charlash xadimlirigha gumandarlarning bir guruppa kishiler ikenliki, üstige charlash formisi yeni renglik niqab kiygenliki uqturulghan.

Nöwette taghda charlash élip bériwatqan xitay qoralliq küchlirige yardem bérishte qollinish üchün térek bazar, bulung we qarbagh yéziliridin at toplanmaqta.

Radi'omiz xitay bölümining igilishiche, nöwette bayda mezkur weqe gumandarliri heqqide 9 kishi üstidin tutush buyruqi chiqirilghan. Emma bu 9 kishining hujumni élip barghan pida'iylarning hemmisi yaki bir qismi ikenliki hazirche éniq emes.