Байдики көмүр кан һуҗумида аз дегәндә 50 адәм өлгәнлики оттуриға чиқмақта

Мухбиримиз шөһрәт һошур
2015-09-28
Елхәт
Пикир
Share
Принт
Йәкән қатарлиқ районлардики хитай һөкүмитиниң бесимиға қарши вәқәләрдин кейин үрүмчиниң аманлиқ ишлири техиму күчәйтилгән. 2013-Йили 29-июн, үрүмчи.
Йәкән қатарлиқ районлардики хитай һөкүмитиниң бесимиға қарши вәқәләрдин кейин үрүмчиниң аманлиқ ишлири техиму күчәйтилгән. 2013-Йили 29-июн, үрүмчи.
AFP

Байдики көмүркан һуҗуми һәққидә әң дәсләп учур бәргән шиветсийәдики шәрқи түркистан учур мәркизи мәзкур вәқә һәққидә бүгүн йәнә бир толуқлима хәвәр берип, вәқәдә 70 тин артуқ киши өлгәнликини илгири сүрди.

Мухбиримизниң бу һәқтики ениқлиши давамида терәк базардики бир нөвәтчи хадим даириләрниң вәқәдә өлгән-яриланғанларниң санини техи ашкарилимиғанлиқи, пәқәт «бу қетимқи вәқәниң салмиқи бираз еғир болди » дәпла уқтурғанлиқини ашкарилиди. Бу нөвәтчи хадимниң даириләрдин уқушичә, вәқәдә шу күни канниң 6 қәвәтлик ишчилар ятақ бинасида дәм еливатқан вә ишқа чүшүшкә тәйярлиниватқан хитай ишчиларниң һәммиси дегүдәк өлгән яки яриланған, кан астида ишләватқанлирила аман қалған.

Бу хадим йәнә, кочида тарқалған учурларға асасән вәқәдә аз дегәндә 50 киши өлгәнликини оттуриға қойди. У йәнә һуҗумчиларниң саниниң аз дегәндә 20-30чә барлиқини илгири сүрди.

Пикирләр (0)
Share
Толуқ бәт