Baydiki kömür kan hujumida az dégende 50 adem ölgenliki otturigha chiqmaqta

Muxbirimiz shöhret hoshur
2015-09-28
Élxet
Pikir
Share
Print
Yeken qatarliq rayonlardiki xitay hökümitining bésimigha qarshi weqelerdin kéyin ürümchining amanliq ishliri téximu kücheytilgen. 2013-Yili 29-iyun, ürümchi.
Yeken qatarliq rayonlardiki xitay hökümitining bésimigha qarshi weqelerdin kéyin ürümchining amanliq ishliri téximu kücheytilgen. 2013-Yili 29-iyun, ürümchi.
AFP

Baydiki kömürkan hujumi heqqide eng deslep uchur bergen shiwétsiyediki sherqi türkistan uchur merkizi mezkur weqe heqqide bügün yene bir toluqlima xewer bérip, weqede 70 tin artuq kishi ölgenlikini ilgiri sürdi.

Muxbirimizning bu heqtiki éniqlishi dawamida térek bazardiki bir nöwetchi xadim da'irilerning weqede ölgen-yarilan'ghanlarning sanini téxi ashkarilimighanliqi, peqet "Bu qétimqi weqening salmiqi bir'az éghir boldi " depla uqturghanliqini ashkarilidi. Bu nöwetchi xadimning da'irilerdin uqushiche, weqede shu küni kanning 6 qewetlik ishchilar yataq binasida dem éliwatqan we ishqa chüshüshke teyyarliniwatqan xitay ishchilarning hemmisi dégüdek ölgen yaki yarilan'ghan, kan astida ishlewatqanlirila aman qalghan.

Bu xadim yene, kochida tarqalghan uchurlargha asasen weqede az dégende 50 kishi ölgenlikini otturigha qoydi. U yene hujumchilarning sanining az dégende 20-30che barliqini ilgiri sürdi.

Toluq bet