Bayda weziyet yenila jiddiy: charwichilar taghni boshatqan, charlash qarabaghqa qeder kéngeygen

Muxbirimiz shöhret hoshur
2015-09-29
Share
tutqun-pidaiy-xitay-saqchi-herbiy.jpg Uyghur hujumchilarni tutush wezipisini ötewatqan xitay qoralliq küchliri.
CCTV

Ashkarilinishiche, bay nahiyiside 18-séntebir küni yüz bergen kömürkan'gha hujum qilish weqesidin kéyin weziyet kündin-kün'ge jiddiyleshmekte, bundaq bolushi weqe yüz berginige 12 kün bolghinigha qarimay pida'iylar téxiche tutulmighan.

Melum bolushiche, pida'iylarning tutulmasliqigha ular chékin'gen tagh yollirining murekkep we xeterliki, pida'iylarning mezkur yollar bilen puxta tonushluqi shundaqla ularning ölgen saqchilarning qoralini olja alghanliqi qatarliqlar seweb bolghan.

Tewelikte mal béqiwatqan charwichilar taghni xitay qoralliq qisim we saqchilargha boshitip bergen, charlash taghning térek bazar yaqisidin qarabagh yéza yaqisigha qarap kéngeygen. Nöwette bay nahiyisining térek bazar, bulung we qarabagh yézisidiki kent merkezliride ayallar toplinip charlighuchilargha tamaq étishke sélinsa, yashlar doqmush-doqmushta nöwetchilikke qoyulmaqta.

Bu heqtiki tepsiliy melumatlarni yuqiridiki awaz ulinishidin anglighaysiz.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet