Bay kömürkan hujumida mu'awin saqchixana bashliqi qurbanjan özini deryagha tashlap jénini qutquzghan

Muxbirimiz shöhret hoshur
2015.10.01
ikki-saqchi-matem.jpg Qeyser qurban pichaq tiqip öltürgen ikki neper saqchining matem murasimi. 2014-Yili iyun, mekit.
Social Media

18-Séntebir küni bayda yüz bergen kömürkan hajumida, térek bazarliq saqchixanining mu'awin bashliqi qurbanjan özini deryagha tashlash arqiliq jénini qutquzghan.

Ashkarilinishiche weqede éghir yarilan'ghan qurbanjan shu küni, özidin awwal bir guruppa saqchini élip yolgha chiqqan saqchixana bashliqi wu fénggha yardemlishish üchün bir yallanma saqchi bilen birlikte soghan kömürkénigha yétip barghan؛ u weqe meydanidiki ölük we yaridarlarni, bolupmu wu féngning ölgenlikini körüp hoduqqan we pida'iylarning hujumigha taqabil turalmighan. Netijide u jénini qutquzush üchün neq meydandin qéchip kömürkanning yénidiki qapsilang deryasigha özini atqan.

Melum bolushiche, qurbanjan nöwette shu weqede yarilan'ghan shériki we xitay köchmenliri bilen birlikte bay nahiyilik doxturxanida dawalanmaqta we ehwali xeterlik basquchta turmaqta. Weqedin xewerdar nöwetchi xadimlarning bayan qilishiche shu küni hujumda patiparaq bolghan bir qisim xitay köchmenlirimu yataq binasidin özini sirtqa we deryagha étip jénini qutquzushqan. Töwende muxbirimiz shöhret hoshurning bu heqte teyyarlighan uchurliri diqqitinglarda bolidu.

Weqedin xewerdar kishilerning bayan qilishiche, weqe yüz bergen küni bay nahiyilik xelq doxturxanisi shu weqede yarilan'ghanlardin bashqa bimar qobul qilmighan؛ bu ehwal we ötken künlerde muxbirimizning téliponini qobul qilghan doxturxana xadimlirining jiddiy we alaqzade pozitsiyisi weqede az dégende 50 kishi ölgen we yene 50-60 kishi yarilan'ghanliqi heqqidiki uchurning toghriliqini yene bir nuqtidin delillimekte.

Deslepki éniqlashlirimizda térek bazarliq bashlan'ghuch mektepning weqe qomandanliq shtabi ornida qollunuliwattqanliqi we mektep oqughuchilirining dem élishqa qoyup bérilgenliki ashkarilan'ghan idi, tünügünki éniqlishimizda mezkur mektep oqughuchilirining térek bazardidiki bir balilar baghchisigha yötkelgenliki we shu yerde oqutiliwatqanliqi we shu yerdiki xitay oqughuchilarning bashqa orun'gha yötkelgenliki ashkarilandi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.