Xitayning bay kömürkan hujumchilirini izdishi 20 -kün'ge qedem qoydi, hujumchilar yene tépilmidi
2015.10.07
Aqsu bayda yüz bergen kömürkan'gha hujum qilish weqesige bügün yégirme kün boldi. Weqe yüz bergendin kéyin xitay qoralliq qisimliri bashlighan tagh opiratsiyesining netijisi we izdiliwatqan hujumchilarning aqiwiti heqqide melumat igilesh üchün bügün muxbirimiz bayning térek baziridiki nöwetchi xadimlirigha qaytidin téléfon qildi. Bir kömür kandiki dora iskilati nöwetchi xadimining ashkarilishiche, hujumchilar ta bügün'giche yeni izdiliwatqan 20-künigiche tutulmighan؛ tik uchar ayropilanlar charlash da'irisini tagh baghridin, yaylaqlarghiche we dala-étizlarghiche kéngeytken. Herqaysi yézilardin tagh yoligha pishshiq charwichilarni toplap opératsiyige hemkarliqqa salghan.
Weqedin kéyin ishtin toxtitilghan kan quduqlirining héchqaysi téxi ish bashlimighan, mektep qorusini qomandanliq merkizige ötküzüp bergen térek bazarliq bashlan'ghuch mektep oqughuchilirimu öz mektipige téxi qaytmighan.
Bu ehwaldin baydiki xitay köchmenlirining nöwette téximu wehimige chüshkenliki we heywetlik bashlan'ghan charlash opirasiyesining emdi jiddiy we ensizlik ichide dawam qiliwatqanliqi melum.