Bay kömürkan hujumchi gumandarliridin 3 nepirining kimlikliri éniqlandi

Muxbirimiz shöhret hoshur
2015.10.13
xitay-saqchi-herbiy-kocha-charlash.jpg Kocha charlawatqan xitay qoralliq küchliri Uyghur ayallirigha tikilmekte. 2009-Yili 9-iyul, ürümchi.
AFP

Bay nahiyisining kanchi yéziliq hökümitide bügün etigen échilghan muqimliq xizmiti muzakire yighinida 18-séntebir soghan kömürkan weqesi hujumchi gumandarliridin 3 nepirining ismi tilgha élin'ghan.

Yighinda tursun jüme, musa toxtiniyaz we memet eysa qatarliqlar tewe bolghan 3 jemet kishilerning weqe gumandarliri bolush süpiti bilen kanchi yézisining yüzini tökkenliki bayan qilin'ghan, emma bu üch gumandarning weqege a'ile ezaliri yeni jemetliri boyiche qétilghan yaki özliri yalghuz qétilghanliqi heqqide izahat bérilmigen. Mezkur yighin'gha qatnashqan bir kent sékrétarining bayan qilishiche, gumandar tursun jüme 35-40 yash arisida, musa toxtiniyaz 45-50 yash arisida bolup, bular kanchi yéza charwichiliq meydanining chokital mehellisidin؛ gumandar memet eysa 60 yash etrapida bolup, u mezkur charwichiliq meydanining yulghunluq mehellisidin.

Yuqiriqi uchurlardin yene mezkur 3 gumandarning a'ilisi boyiche yoq ikenliki yeni jemet boyiche ghayib ikenliki we izdiliwatqanliqi, bir qisim uruq-tughqanlirining bolsa tutup turuluwatqanliqi melum. Emma da'irilerning yuqiriqi üch kishi yaki jemetni gumandar dep békitishte, ularning weqede rol alghanliqini ispatlaydighan belgilik pakitlargha tayan'ghanliqi we yaki ularning a'ile boyiche yoq bolushtek ghayipliqigha qarap békitkenliki éniq emes.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.