Bay kömürkan hujumchilirining bay charwidarlar ikenliki, mal-mülkining musadire qilin'ghanliqi éniqlandi

Muxbirimiz shöhret hoshur
2015.10.20
Share on WhatsApp
Share on WhatsApp
xitay-herbiy-qoralliq-saqchi-charlash.jpg Xitay qoralliq küchlirining Uyghurni aldigha sélip, oymu-oy axturush élip bériwatqan körünüshi. 2014-Yili 9-awghust, aqsu.
AFP

18-Séntebir küni aqsu bayda yüz bergen kömürkan hujumi hujumchilirining bay charwidarlar ikenliki, ulardin herbir a'ilining 500 din 1000 tuyaqqiche charwa méli, 4 pesillik ayrim-ayrim yaylaqliri, bu yaylaqlirida pishshiq xishliq mal qotanliri barliqi, aliy qoru-jayliri bilen birlikte mashina, traktor we motsiklitliri barliqi, yeni iqtisadiy jehettin mezkur charwichiliq meydani boyichila emes, belki yéza we nahiye boyichimu aldinqi qatardiki a'ililerdin ikenliki éniqlandi.
Mezkur meydan sékrétarining ashkarilishiche, hujumchilar 17-séntebir küni kéchide yuqiriqi mal-bisatlirining hemmini terk étip, qoru jaylirining ishikliri daghdam échiqliq halette öyliridin ayrilghan we hujumgha atlan'ghan.

Yuqiri derijilik orunlarning buyruqi boyiche mezkur meydan rehberliri hujumchi 3 jemetning mal-waranliridin bashqa zilcha-gilem, öy-sayman qatarliq barliq öy-bisatlirini musadire qilghan.

Sherqi türkistan mesilisi heqqidiki oxshimighan qarashlardin biri, mesilining yiltizining iqtisadiy ikenliki, yeni Uyghurlar xitay hakimiyiti teripidin namrat qaldurulghachqa, rayonning tereqqiyatidin behrimen bolalmighachqa, rayonda qarshiliq heriketlirining bésiqmaywatqanliqi, iqtisadiy adaletsizlik tügitilse, rayonning tinchiydighanliqidur؛ emma buninggha nisbeten qarshi pikir bolsa mesilining yiltizi yalghuz iqtisadida emes, muhimi siyasiy ikenliki, Uyghurlar xitay hakimiyitidin üzül-késil qutulmighuche rayonning tinchimaydighanliqidur. Bay kömürkan hujumining nishani mesilining iqtisadiy teripini eks ettürse, hujumchilarning bay charwidar ikenliki mesile yiltizining siyasiy we diniy teripini körsitip turmaqta.

Yuqiridiki awaz ulinishidin programmining tepsilatini anglighaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.