Lagér saqchisi: "Oqughuchilirimiz 15 bilen 75 yash arisida؛ tamaqni halalmu dep sorash heqqi yoq"

Muxbirimiz shöhret hoshur
2018-10-09
Élxet
Pikir
Share
Print
"Terbiyelesh lagéri" diki "Oqughuchilar" yataqning ishikining töshükidin qachisigha qoyup bergen tamaqni yémekte. 2018-Yili öktebir. (Orni éniq emes)
"Terbiyelesh lagéri" diki "Oqughuchilar" yataqning ishikining töshükidin qachisigha qoyup bergen tamaqni yémekte. 2018-Yili öktebir. (Orni éniq emes)
Oqurmen Teminligen

Qeshqerdiki bir lagér saqchisi lagérning özi ishligen qewitidiki 200 che kishidin 10-20 sining 70 yashtin ashqan bowaylar, 5-10 nepirining bolsa 15-18 yash arisidiki ösmürler ikenlikini bayan qildi. U yene lagérdiki tutqunlargha künige 3 waq, yérim qachidin tamaq bérilidighanliqi, nashtiliqining bolsa shifen ikenlikini, tamaqni halalmu yaki harammu dep sorashqa bolmaydighanliqini ashkarilidi. U yene tutqunlarning tamaq tallash yaki tamaqtin shikayet qilish heqqi yoqluqini tilgha aldi.

So'al: "Terbiyelesh" tikilerning yashta eng chongi qanche yash?
Jawab: yetmish nechche yashta bar.

So'al: yashta eng kichikichu?
Jawab: on besh yash. Ottura mektep oquwatqan, 9-sinipta oquwatqan balilar

So'al: siz ishligen shu qewette 15 yash bilen 18 yashning arisida qanchisi bar?
Jawab: 10-20 si bar.

So'al: yetmishtin ashqanlardinchu?
Jawab: 5-10 ni bar.

So'al: ayallar qanchilik nisbetni igileydu?
Jawab: men ishlewatqan chaghdiki ikki binadiki 10 qewetning ikki qewitide ayallar bar idi.

So'al: démek besh qewetlik binaning birinchi qewitide kadirlar, ikkinchi qewitide ayallarmu?
Jawab: yaq, eng töpidiki qewette ayallar bar.

So'al: tamaq qanche qétim bérilidu, némiler bérilidu?
Jawab: etigende shifen bilen nan yaki moma, chüshte polu, kechte suyuq'ash.

So'al: miqdari qanchilik?
Jawab: qachida bérilidu, adette yérim bérilidu, tamaq éship qalsa tarqitip bérilidu.

So'al: tamaqni qandaq yéyish heqqide shert barmu?
Jawab: yoq, shu tamiqini tizigha qoyup yéyishidu.

So'al: qandaq qacha ishlitidu?
Jawab: burun tömür qacha ishletken, kéyin sulyaw qachigha özgerttuq.

So'al: néme üchün?
Jawab: tamaqni yep bolghandin kéyin qachini yuyup bizge tapshurghuche qacha özlirining qolida turidu. Shu chaghda dusha qiliwalidighan(özini öltürüwalidighan) yaki bashqisini zeximlendüridighan ish chiqmasliqi üchün.

So'al: bularning özliri yewatqan tamaqni halalmu-harammu, ichide néme bar dep sorash heqqi barmu yoq?
Jawab: undaq sorashqa ruxset yoq, biz néme bersek shuni yéyishi kérek, könüshi kérek. .

So'al: siz ishlewatqan jeryanda, halal-haramni ayrip, ichide choshqa göshi bar dep guman qilip, tamaq yéyishni ret qilidighan ehwallar boldimu?
Jawab: bundaq ehwallar burun boldi. Yuqiri orunlargha melum qilduq.

So'al: qandaq xulase chiqti, ulargha bundaq démesliking kérekti déyildimu? néme déyildi?
Jawab: buni bir'az muhim ish dep qaraymiz, uning netijisidin bizning xewirimiz bolmidi, ularni gobawning (dölet amanliq saqchiliri) bir terep qildi.

So'al: silerning-kadirlarning tamiqi shu oqughuchilar bilen birgimu-emesmu?. . . Barmisiz téléfonda?. . . . Sizning bilishingizche, shu tamaqlarda choshqa göshi bar yoqmu?. . . . . Qéni barmusiz?. . . .

Toluq bet