Xitay bash ministirining gérmaniye ziyariti qarshiliq namayishigha duch keldi

Ixtiyariy muxbirimiz qutlan
2013.05.27
li-kechyang-germaniye-ziyaret.jpg Gérmaniyediki Uyghurlar yekshenbe küni bérlindiki bash ministir mehkimisi aldigha yighilip xitay bash ministiri li kéchyangning ziyaritige qarshi birleshme namayish ötküzdi. 2013-Yil 26-may.
RFA/Qutlan

Gérmaniyediki Uyghurlar tibetler bilen birlikte bérlindiki bash ministirliq mehkimisi aldigha yighilip xitay bash ministiri li kéchyangning gérmaniye ziyaritige qarshi birleshme namayish ötküzdi. Qollirida bayraq we lozunka kötürgen namayishchilar shunche qattiq yamghurgha qarimastin anche yiraq bolmighan meydanda eskiriy murasim bilen ötküzülüwatqan kütüwélish pa'aliyitini xitaygha qarshi sho'ar sadaliri bilen kömüp tashlidi.

Bu li kéchyangning xitay bash ministiri bolghandin kéyinki tunji qétimliq gérmaniye ziyariti bolup, uning bérlindiki birinchi qedimi Uyghur, tibet, falunggung we bashqa xitay kommunistlirigha qarshi guruppilarning birleshme qarshiliq körsitish namayishigha duch keldi. Dunya Uyghur qurultiyi we yawropa sherqiy türkistan birlikining teshkillishi bilen köpinchisi 500 kilométirdin yiraq bolghan jenubtiki myunxéndin kelgen Uyghur jama'etchiliki bu qétimqi birleshme namayishning ghol qismini teshkil qildi. Namayish yétekchiliridin dolqun eysa neq meydandin namayish ehwalini tonushturdi.

Xitay bash ministiri li kéchyangni élip mangghan aptomobil etriti namayishchilar turghan jaydin ötkende sim-sim yamghurgha qarimay naraziliqini ipadilewatqan jama'etchilikning ghezeplik keypiyati yuqiri pellige kötürüldi.

Bu qétimqi namayishni teshkilligen yawropa sherqiy türkistan birlikining re'isi enwerjan ependi téléfon ziyaritimizni qobul qilip oz köz qarashlirini bildürdi.

Axirida dolqun eysa namayish jeryanidiki muhim mezmunlar we pa'aliyetler heqqide tepsiliy uchur berdi.

Tepsilatini awaz ulinishtin anglighaysiz.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.