Qeyseridiki Uyghur musapirlirini yoqlash

Ixtiyariy muxbirimiz erkin tarim
2015.01.26
Share on WhatsApp
Share on WhatsApp
uyghur-musapir-yoqlash-yardem.jpg

Qeyseridiki Uyghur musapirlargha yardem élip kelgenler muxbirimiz ziyaritini qobul qildi. 2015-Yili 25-yanwar, türkiye. RFA/Erkin Tarim

uyghur-musapir-yoqlash-yardem-1.jpg

D u q mu'awin re'isi séyit tümtürk musapir balilar bilen. 2015-Yili 25-yanwar, türkiye. RFA/Erkin Tarim

uyghur-musapir-yoqlash-yardem-2.jpg

Qeyseridiki Uyghur musapir balilar. 2015-Yili 25-yanwar, türkiye. RFA/Erkin Tarim

uyghur-musapir-yoqlash-yardem-3.jpg

Qeyseridiki Uyghur musapirlargha élip kélin'gen yardem. 2015-Yili 25-yanwar, türkiye. RFA/Erkin Tarim

uyghur-musapir-yoqlash-yardem-4.jpg

Qeyseridiki Uyghur musapirlargha élip kélin'gen yardem. 2015-Yili 25-yanwar, türkiye. RFA/Erkin Tarim

uyghur-musapir-yoqlash-yardem-5.jpg

Qeyseridiki Uyghur musapirlargha élip kélin'gen yardem. 2015-Yili 25-yanwar, türkiye. RFA/Erkin Tarim

uyghur-musapir-yoqlash-yardem-6.jpg

Qeyseridiki Uyghur musapir balilar. 2015-Yili 25-yanwar, türkiye. RFA/Erkin Tarim

Sherqiy jenubiy asiyadin türkiyege kelgen Uyghur musapirlar orunlashturulghan a'ile qorusigha hazirghiche héchqandaq axbarat orginining kirip xewer ishlishige ruxset qilinmighan iken.

Tunji qétim erkin asiya radi'osining ixtiyari muxbiri bolush süpitimiz bilen bu a'ile qorusigha kirip, ehwal igilep, ular bilen söhbet élip barduq. Enqere-qeyseri yoli üstige jaylashqan dölet kadirliri a'ile qorusidiki 100 a'ile Uyghur yashimaqta. 1-Ayning 25-küni yekshenbe etigen qoru jaygha kirginimizde a'ile qorusining ichige ikki chong ay yultuzluq kök bayraq bilen ikki chong türk bayriqi ésilghan bolup, bayraq ésilghan top meydanidiki Uyghur yash-ösmürler top oynawatatti. Chong bir chédirning ichide enqeredin kelgen Uyghurlar soyghan qoy bilen qilin'ghan polu pishiwatatti. Müjahit qeshqerli Uyghur balilargha oyunchuq tarqitiwatatti. Hoylining ichide kelgen yardemlerni tapshurup élish yéride buninggha mes'ul kishiler yardem buyumlirini tapshurup almaqta. Bezi türkler qoylarni soyup göshini Uyghurlargha tarqitip bermekte, türkiyediki bezi ammiwi teshkilat we siyasiy partiyeler istanbul, chorum qatarliq wilayetlerdin yardem buyumlirini élip kélip tarqitiwatqanliqini körduq we ular bilen söhbet élip barduq. Eng tesirlinerliki shuki türkler élip kelgen yardem buyumliri 4 ambargha tolghan bolup, bular un, shéker, yagh, gürüch, tuz we süt qatarliqlardin terkib tapqan. Ambargha mes'ul kishining éytishiche, hazirghiche türkler élip kelgen buyumlar 1000 Uyghurgha bir yil yétidiken.

Türkiyening qeyseri wilayiti türkiyening sana'etleshken rayonliridin biri bolup, bu yerdiki zawut, karxana xojayinliri kélip bu kishiler xizmet béridighanliqini éytqan. Biz bu Uyghurlarning öylirige kirgen waqtimizda, yardem söyer türk xelqining bulargha yéngi muzlatqu, ochaq, gilem we orunduq-üstellerni ekélip bériwatqanliqinimu körduq. Biz bir kün jeryanida yardem buyumliri tapshurup éliwatqan Uyghurlargha, yardem buyumliri élip kelgen türkler bilen söhbetleshtuq. Bulardin bashqa biz bu Uyghurlar bilen ayrim-ayrim söhbet élip bérip ularning kechürmishlirini angliduq.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.