Нуриманхан аниниң оғли төт күн сақчиханида тутуп турулғандин кейин қоюп берилгән

Ихтиярий мухбиримиз һаҗи қутлуқ қадири
2016.06.29
Nurimanxan-ana-yengi-resim.jpg Нуриманхан ана қәшқәр ават йезиси ялаң кәнтидики өз өйи алдида. 2015-Йили март.
RFA/Qutluq

Биз өткән қетим йеқиндин буян бизниң зияритимизни көп қетим қобул қилған қәшқәр ават йезиси ялаң кәнтидики 72 яшлиқ нуриманхан аниниң оғли мәмәт әзизниң 23-июн сақчилар тәрипидин өз өйидә тутуп кетилгәнлики тоғрисида хәвәр бәргән идуқ.

Мәмәт әзиз тутуп кетилип бир қанчә күндин буян биз нуриманхан аниға изчил телефон қилип бу һәқтә учур игилимәкчи болған болсақму, бирақ нуриманхан аниниң телефони даириләр тәрипидин тохтитиветилгәнлики үчүн униң билән алақилишиш имканийити болмиған иди.

Бүгүн норвегийә осло уйғур ислам мәдәнийәт мәркизидин игилишимизчә, сақчилар тәрипидин тутуп кетилгән мәмәт әзиз йезилиқ сақчиханида төт күн тутуп турулғандин кейин соал-сорақ қилинип 26-июн кәчтә қоюп берилгән.

Вәқәдин хәвәрдар болған норвегийә осло уйғур ислам мәдәнийәт мәркизидики устаз турғунҗан әмәт зияритимизни қобул қилип, бу һәқтә өзиниң қәшқәрдики уруқ ‏- туғқанлиридин игилигән учурлар һәққидә тохталди вә акиси мәмәт әзизниң сорақ җәрянида сақчи даирилириниң тәһдитигә учриғанлиқини баян қилип өтти.

Биз турғунҗан әмәтниң тәминлигән учуриға асасән, қәшқәр ават йезисидики нуриманхан аниниң йеңи телефон номуриға телефон қилип бу һәқтә учур игилидуқ.

Биз вәқә һәққидә йәниму илгирилигән һалда бәзи бир учурға игә болуш үчүн, йеза секретари вә ялаң кәнтидики сақчи алимҗанға телефон қилған болсақму,бирақ телефонимиз җавабсиз қалди.

Юқириқи аваз улинишидин тәпсилатини аңлаң.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.