Хитай җ х министирлиқи 2015 - йили хизмәт җәрянида өлгән “қәһриман”ларниң тизимликини елан қилди

Мухбиримиз шөһрәт һошур
2016.04.04
bay-weqesi-saqchixana-saqchi.jpg Бай вәқәсидә өлгән сақчилар: үстүнки қур солдин оңға: 1. Ву фең, бай терәкбазар сақчиханиси башлиқи, 2. Шяв кейүн бай наһийилик алаһедә сақчи әтиритиниң муавин башлиқи, 3. Хоң җийәнвин, терәкбазар сақчихана хадими, 4. Ло тийәнйоң, бай наһийилик алаһедә сақчи әтиритиниң хадими
Уйғур районидики сақчиларниң мәлум бир ундидар топидин елинди


1 - Април күни хитай җ х министирлиқиниң тор бетидә “бизниң қәһриманлиримиз” дегән сәрләвһидә аталмиш қәһриманларниң тизимлики елан қилинди. Тизимликтин мәлум болушичә, 2015 - йили ичидә уйғур райони бойичә 39 нәпәр сақчи хадими хизмәт үстидә һаятидин айрилған, буларға инқилабий қурбан дәп нам берилгән вә булардин өгинишкә чақирилған. Әмма мухбиримизниң сақчиханиларға қарита телефон зиярити давамида, уйғур районидики сақчиларниң аталмиш 39 нәпәр “қәһриман” дин әхмәтнияз тохтинияздин башқа һечқайсиниң кимлики вә иш - излирини билмәйдиғанлиқи ашкариланди.

Һөрмәтлик радиуо аңлиғучилар, мәзкур тизимликтә көрситилишичә, 2015 - йили хитай бойичә хизмәт үстидә һаятидин айрилған сақчиларниң сани 438 нәпәр, булардин 35 нәпири уйғур аптоном районлуқ җ ч саһәсидин, 4 нәпири болса уйғур районидики ишләпчиқириш - қурулуш армйиси тәвәликидин. Буларниң һәммисигә уйғур аптоном районлуқ һөкүмәт яки ишләпчиқириш - қурулуш армийиси тәрипидин инқилабий қурбан дәп нам берилгән. Биз бу 39 нәпәр аталмииш қәһриманниң сақчи хадимлири арисидики тәсири һәққидә мәлумат елиш үчүн бир қисим сақчиханиларға телефон қилдуқ.

Һөрмәтлик радийо аңлиғучилар, юқириқи зиярәт хатирилиридин мәлумки, уйғур районидики сақчи хадимлири, җүмлидин уйғур сақчилар мәзкур аталмиш қәһриманларниң кимликидин вә иш - излиридин асасән хәвәрсиз. Бу хәвәрсизлик, хитай даирилириниң районда йүз бәргән вәқәләрниң тәпсилатини асасий қатламдики сақчи хадимлиридинму йошурғанлиқи үчүнму яки бу аталмиш қәһриманларниң төвәндики сақчиларни тәсирләндүргүдәк, һеч болмиди дегәндә есидә қалғудәк иш - излири йоқ болғанлиқи үчүнму бу һазирчә мәлум әмәс.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.