Ослодики “нобел әркинлик сарийи” да уйғурларниң нөвәттики вәзийитидин мәлумат берилди

Ихтиярий мухбиримиз әкрәм
2018-03-16
Share
sherqiy-türkistanning-nöwettiki-weziyiti-01.JPG Ослода өткүзүлгән “шәрқий түркистанниң нөвәттики вәзийити” намлиқ йиғиндин көрүнүш. 2018-Йили 16-март. Осло, норвегийә.
RFA/Ekrem

16-Март күни америка демократийини илгири сүрүш фонди, дуня уйғур қурултийи, норвегийә уйғур комитети вә рафто кишилик һоқуқ фонди қатарлиқ органлар бирликтә норвегийә пайтәхти ослодики “нобел әркинлик сарийи” да шәрқий түркистанниң нөвәттики вәзийитидин мәлумат бериш йиғини өткүзди.

“шәрқий түркистанниң нөвәттики вәзийитидин мәлумат бериш йиғини” дәп нам қоюлған бу қетимлиқ мәлумат бериш йиғини дунядики 14 дөләттә уйғур аяллириниң “бир қәдәм, бир аваз” намайиши өткүзүлгән җиддий бир пәйткә тоғра кәлди.

Йиғинға д у қ рәһбәрлири, норвегийә парламентиниң бир қисим әзалири, рафто кишилик һоқуқ фондиниң вәкиллири, норвегийәдики кишилик һоқуқ тәшкилатлириниң хадимлири, норвегийә уйғур комитетиниң әзалири, норвегийәдики уйғур җамаити вә д у қ ниң “кишилик һоқуқ, демократийә, қануний билимләр бойичә тәрбийиләш курси” ға кәлгән уйғур яшлири болуп көп санда киши қатнашти. 

Биз норвегийәдики “нобел әркинлик сарийи” да өткүзүлгән бу йиғинға иштирак қилған бир қисим затларни нәқ мәйданда зиярәт қилиш пурситигә ериштуқ.

Д у қ ниң рәиси долқун әйса әпәнди йиғин нәқ мәйданида зияритимизни қобул қилип, бу қетимқи йиғин һәққидә мәлумат бәрди. 

Йиғинда сөз алған кишиләр, уйғур елида һөкүм сүрүватқан еғир вәзийәтни, “йепиқ тәрбийиләш мәркизи” намидики йиғивелиш лагерлириниң уйғурларға селиватқан зулумлирини шуниңдәк хитайниң халиғанчә тутқун қилиш вә өлтүрүш вәқәлирини мисаллири билән оттуриға қоюп, хитай һөкүмитиниң бу вәһший зулумлириға норвегийә һөкүмити вә хәлқиниң сүкүт қилмаслиқини тәләп қилишти.

Д у қ иҗраийә комитетиниң рәиси өмәр қанат әпәндиму зияритимизни қобул қилип, йиғин һәққидә өз тәсиратлирини изһар қилди. 
“шәрқий түркистанниң нөвәттики вәзийитидин мәлумат бериш” йиғиниға канададин келип қатнашқан д у қ муһаҗирлар бөлүминиң мудири мәмәт тохти әпәндиму бу һәқтә тохталғанда, “бу йиғин, уйғурларниң һазирқи ечинишлиқ вәзийитини норвегийәниң һәрқайси қатламлиридики әрбабларға аңлитиш нуқтисидин көп әһмийәтлик болди,” деди.

Йиғинда сөз қилған норвегийә парламентиниң әзалириму уйғурлар һәққидә өз пикирлирини оттуриға қоюп, хитай һөкүмитиниң уйғурларға қарита йүргүзүватқан еғир бастуруш сиясәтлирини әйипләшти.

Йиғинға иштирак қилған д у қ иҗраийә комитетиниң муавин рәиси сәмәт абла әпәндиму бу йиғин һәққидә қарашлирини баян қилип өтти. 
“нобел әркинлик сарийи” да өткүзүлгән “шәрқий түркистанниң нөвәттики вәзийитидин мәлумат бериш” йиғини 4 саәт давам қилди. Йиғин хатимисидә қатнашқучилар опчә сүрәтләргә чүшүп, хатирә қалдурушти.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт