Pakistan ömer Uyghur wexpi: qérindashlirimizni qoralliqlarning qolidin qoralliq bérip qutquzduq

Pakistanning pishawur wilayitide qéyni'akiliri teripidin zorawanliqqa uchrighan we öyidin chiqmasliq heqqide tehdit sélin'ghan asiye kérim we 4 perzenti tünügün pakistanda pa'aliyet élip bériwatqan ömer Uyghur wexpi teripidin qutquzulghan.

Teshkilat ezaliridin ekberjanning bildürüshiche, pishawur hökümetning bashqurushi ajiz bir jay bolghachqa, yerlik saqchilar asiyeni qutquzushqa derhal heriketke ötmigen. Netijide ömer Uyghur wexpi teshkilat ezasi we pakistanliq qollighuchiliri bolup 18 kishi aldinqi küni yérim kéchide aptomobil bilen pishawurgha bérip, asiye we 4 balisini qamilip turuwatqan öyidin qutquzup achiqqan. Bu heqte radiyomizgha melumat bergen mezkur teshkilat ezasi ekberjan asiye we perzenlirige tehdit séliwatqanlar qoralliq bolghanliqi üchün, özliriningmu mudapi'e meqsitide neq meydan'gha qoralliq barghanliqini bildürdi.

Yuqiridiki ulinishtin muxbirimizning bu heqte teyyarlighan programmisining tepsilatini anglanglar.