Yopurghida da'irilerning tutqunlarni partiyige minnetdarliq mezmunida a'ilisige xet yazduruwatqanliqi melum bolmaqta

Muxbirimiz shöhret hoshur
2017-08-04
Élxet
Pikir
Hembehr
Print
  • Print
  • Hembehr
  • Pikir
  • Élxet
Xitay millet we din xizmiti kadirliri, diniy zatlarni qerellik halda xitay kommunist partiyisining alaqidar siyaset, qanun-tüzümliri bilen terbiyilesh üchün qurulghan mektep oqughuchiliri. Poskam.
Xitay millet we din xizmiti kadirliri, diniy zatlarni qerellik halda xitay kommunist partiyisining alaqidar siyaset, qanun-tüzümliri bilen terbiyilesh üchün qurulghan mektep oqughuchiliri. Poskam.
dihan.com.cn

Yéqinda yopurghidiki ahalilerdin biri özi qatnishiwatqan siyasiy öginish yighinlirida mehbuslarning partiyige minnetdarliq mezmunida a'ilisige yazghan xetlirining oquluwatqanliqini bayan qilghan idi. Muxbirimizning yéqinda yopurghidiki bir saqchixana xadimi bilen ötküzgen söhbiti dawamida, tutqun gülnar abletning a'ilisige yazghan xétining mezmuni ashkarilandi. Saqchi xadimi teripidin oqup bérilgen mezkur xetning mezmuni yézilish uslubidin, bu türdiki xetlerning alaqidar da'iriler teripidin mejburi yazduruliwatqanliqi melum bolmaqta. Töwende muxbirimiz shöhret hoshurning bu heqte teyyarlighan programmisi diqqitinglarda bolidu.

Hörmetlik radi'o anglighuchilar, 4 ayning aldida yopurghidiki perzenti misirda oquwatqan bir a'ilini ziyaret qilghan waqtimizda, u yoldishi we chong oghlining misirda oquwatqan oghli seweblik tutup terbiyiliniwatqanliqini ashkarilighan؛ u shuning bilen birlikte özi we kélinining kentte échiliwatqan siyasiy öginish yighinlirigha qatnishiwatqanliqi, bu yighinda, tutup turup terbiyilesh merkizide terbiyilewatqan tutqunlardin kelgen xetlerning oqulup ötilidighanliqini melum qilghan. Uning bayan qilishiche bu türdiki mektuplarda, özlirining nöwettiki shara'itlirining intayin yaxshiliqi, tutqunlarning partiye we hökümetke bolghan minnetdarliqi bayan qilin'ghan we ularning jem'iyetke chiqqandin kéyin, ögen'gen qanun bilimlirige tayinip tekrar xataliq ötküzmeydighanliqi we a'ilisini yétekleydighanliqi bayan qilin'ghan.

Biz bügün yopurghidiki misirdin qaytqan oqughuchilarning ehwalini éniqlash dawamida, yuqiriqigha oxshash mezmunda yézilghan bir parche minnetdarliq xétining siyek yéziliq saqchi xadimining qolida barliqidin xewerdar bolduq. U qolidiki xetning mezmuni töwendikiche oqup berdi. Eynen ashkarilan'ghan bu xetning mezmuni, yézilish shekli we yézilish zörüriyitidin qarighanda, nöwette bu xil xetlerning tutqunlarning öz arzusi bilen emes, mes'ul xadimlarning zorlishi bilen yéziliwatqanliqi, yaki xadimlar özliri yazghandin kéyin, uni tutqunlar namida a'ilisige ewetiwatqanliqi perez qilinmaqta.

Toluq bet