Rabixan musa ana xitay saqchiliri teripidin yene bir qétim aldandi

Xitay saqchiliridin biri mushu heptining béshida rabixan musa anining öyige bérip, pasporti heqqide shikayet qilishni toxtitip turushni telep qilghan we mushundaq qilghanda özining alaqidar emeldarlar bilen sözliship uning pasport ishini hel qilip béridighanliqini éytqan. Rabixan ana mezkur saqchigha 5 kün sürük bergen. Yeni 5 kün'giche axbarat ziyaritini qobul qilmaydighanliqi we 5 kün ichide pasporti qoligha tegmise ziyaretni yene dawamlashturidighanliqini éytqan. Sürükke maqul bolghan saqchi xadimi bügün neq 5 kün tolghan bolsimu rabixan anigha héchqandaq melumat bermigen. Netijide rabixan ana bügün ziyaritimizni tekrar qobul qilip, xitay saqchilirining özini aldawatqanliqi üstidin shikayet qildi. Töwende muxbirimiz shöhret hoshurning bu heqte teyyarlighan programmisi diqqitinglarda bolidu.

Rabixan ana bügünki söhbitimiz dawamida balisi we newrilirini körüsh üchün dawamlashturiwatqan shikayet we bayanatlirini pasporti qoligha tegmigen ehwal astida axirqi nepisige qeder toxtatmaydighanliqini éytti. Balisi we newriliri bilen bir hepte hemdastixan bolushtin bashqa chong bir telimi yoqluqini eskertken rabixan ana, 8 aydin béri yoluqqan heqsizlik we zorawanliq sewebidin salametlining barghanséri nacharlishiwatqanliqini tekitlep, eger mushu ay, mushu künlerde hayatigha bir qaza kélip qalsa, xitayning börtaladiki saqchilirinip qatil dep qarilishi kéreklikini eskertti.