Firansiye Uyghur jem'iyiti qeshqerdiki qirghinchiliq weqesi heqqide pewqul'adde yighin chaqirdi

Ixtiyariy muxbirimiz haji qutluq qadiri
2015.06.29
Share on WhatsApp
Share on WhatsApp
firansiye-uyghur-jemiyiti-yighin.jpg Firansiye Uyghur jem'iyiti qeshqerdiki qirghinchiliq weqesi heqqide chaqirghan pewqul'adde yighinidin körünüsh. 2015-Yili 22-iyun, parizh.
RFA/Qutluq

27-Iyun firansiye Uyghur jem'iyiti 22-iyun qeshqerde yüz bergen weqe heqqide pewqul'adde yighin chaqirdi.

Firansiye Uyghur jem'iyitining re'isi erkin ablimitning bildürüshiche, yighinda 22-iyun qeshqer taxta köwrükte yüz bergen saqchilarning tekshürüsh ponkitigha hujum qilish weqeside öltürülgen Uyghurlar we shundaqla Uyghur élida yüz bériwatqan bu xildiki qirghinchiliqlarning aldini élish üchün qandaq tedbirlerni qollinish kérekliki toghrisida muzakire élip bérilghan.

Yighinda parizhda pa'aliyet élip bériwatqan kishilik hoquq teshkilatliri birdek, firansiye parlaméntigha qeshqerde yüz bergen weqe we shundaqla nöwettiki Uyghur élida yürgüzülüwatqan xitayning qirghinchiliq siyasiti heqqide mexsus doklat teyyarlap yollash qarar qilin'ghan.

Firansiye Uyghur jem'iyiti chaqirghan bu qétimqi pewqul'adde jiddiy yighin'gha parizhdiki kishilik hoquq teshkilatliridin xelq'ara kechürüm teshkilati, teywen, wiyétnam, la'os qatarliq dölet, rayon teshkilatlirining wekilliri qatnashqan.

Yighin shu küni chüshtin kéyin sa'et birdin üchke qeder dawamlashqan.

Biz yighin axirlashqandin kéyin, mezkur yighin heqqide tepsiliy uchurgha ige bolush üchün firansiye Uyghur jem'iyitining re'isi erkin ablimit bilen téléfon söhbiti élip barduq.

Yuqiriqi awaz ulinishidin tepsilatini anglang.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.