15 Neper er - ayal pida'iy qeshqer taxtaköwrüktiki qarawulxanigha hujum qilip hayatidin ayrilghan

Muxbirimiz shöhret hoshur
2015.06.24
Share on WhatsApp
Share on WhatsApp
kocha-charlash-qoralliq-saqchi-herbiy-qeshqer.jpg Kocha charlawatqan qoralliq eskerler. 2014-Yili 31-iyul, qeshqer.
AFP


Qeshqerdiki saqchi da'iriliri teripidin saqchi xadimlirigha tarqitilghan bir jiddiy uqturush tünügün ijtima'iy taratqularda ashkarilandi. Uqturushta qeshqer shehiride birqanche meydan partilitish we hujum qilish weqesi yüz bergenliki, hujumchilardin 15 nepirining étip öltürülgenliki we bir resmiy, bir yardemchi saqchining ölgenliki bayan qilinip saqchilar jiddiy haletke chaqirilghan.

Muxbirimiz bu yip uchigha asasen tünügün qeshqerdiki saqchixanilardin ehwal igilidi. Ashkarilinishiche ichide ayallarmu bolghan 15 neper pida'iy bir aptomobil we bir üch chaqliq motsiklit bilen qeshqer shehirige kirip kéliwatqanda taxta köwrüktiki qarawullxanining tosqunluqigha uchrighan, ular aptomobil we motsiklitni bilen saqchilarni soqush, yénidiki pichaq bilen hujum qilish we bénzin botulkisini partilitish arqiliq az dégende 3 neper saqchini öltürgen, 7 nepirini yarilandurghan. Neq meydan'gha yétip kelgen xitay saqchiliri pida'iylarni oqqa tutqan, xitay saqchilirining oqida 15 neper pida'iy we yoldin ötkenler bolup 20 nechche kishi hayatidin ayrilghan.

Töwende muxbirimiz shöhret hoshurning bu heqte teyyarlighan programmisi diqqitinglarda bolidu.

Hörmetlik radi'o anglighuchilar, yene ismini ashkarilashni xalimighan bir saqchi xadimining bayan qilishiche pida'iylar eslide qeshqer sheher ichidiki xitay köchmenliri merkezleshken bir qanche orunni hujum nishani qilip belgiligen, emma sheherge kiridighan yoldiki tosaqlar qatmu - qat bolghachqa sheher ichige kirishke muweppeq bolalmighan, netijide özlirini tosqan taxta köwrüktiki qarawulxanigha hujum qilghan. Yene shahidlardin birining bayan qilishiche weqeni bir terep qilishqa kelgen xitay saqchilar mashinida soqup we boghuzlap öltürülgen 3 saqchini körgendin kéyin qattiq jiddiyleshken, we jiddiychilikte qara - qoyuq oq chiqirip weqege chétishliqi bolmighan onlarche kishining ölümige seweb bolghan. Yene ehwaldin xewerdar kishilerdin birining bayan qilishiche weqede pida'iylar, saqchilar we weqege munasiwetsiz ammidin bolup jem'iy 28 kishi hayatidin ayrilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.