Қәшқәр университетиниң 4 мудир вә муавин мудири тутқун қилинған

Мухбиримиз шөһрәт һошур
2018-09-07
Елхәт
Пикир
Share
Принт
Қәшқәр университетиниң мәктәп партком даимий һәйити профессор гүлнар обул.
Қәшқәр университетиниң мәктәп партком даимий һәйити профессор гүлнар обул.
Social Media

Ашкарилинишичә қәшқәр университетниң мудири әкбәр өмәр, муавин мудирлиридин мухтәр абдуғопур, қурбан осман вә гүлнар обуллар, мушу һәптиниң бешида «икки йүзлимичилик» билән әйиплинип тутқун қилинған. Мухбиримизниң телефонини қобул қилған қәшқәр университетиниң ишхана хадими 4 профессорниң нөвәттә вәзиписидин қалдурулған вә қамаққа елинғанлиқидин хәвири барлиқини, әмма қайси қамақханида икәнликини дәп берәлмәйдиғанлиқини баян қилди. Төвәндә мухбиримиз шөһрәт һошурниң бу һәқтә тәйярлиған программиси диққитиңларда болиду.

Муһаҗирәттә яшаватқан, қәшқәр университетниң вәзийитини мәктәп тор бети арқилиқ көзитип келиватқан бир аңлиғучимиз 6-сентәбир күни радийомизға мәктуп йоллап, мушу айниң 2 ‏-күнидин башлап, қәшқәр университети тор бетидики мәктәп рәһбәрликиниң тизимликидә уштумтут өзгириш болғанлиқини, тизимликтә әслидә бар болған университет мудири әркин өмәр, муавин мудир мухтәр абдуғопур, қурбан осман вә гүлнар обулларниң рәһбәрлик тизимликидин өчүрүлгәнликини мәлум қилди. Аңлиғучимизниң бу мәктубида, 2 ‏-сентәбирдин етибарән мәзкур 4 профессорниң иш-излири һәққидики хәвәр вә рәсимләрниң мәктәп тор бетидин чиқириветилгәнлики баян қилинған вә уларниң җазаланғанлиқ еһтималлиқи инкас қилинған. Биз бу йип учиға асасән қәшқәр университетиниң алақидар ишханисиға телефон қилдуқ. Биз алақидар хадимдин әң аввал тутқун қилинған мудирлар ичидә муавин мудир мухтәр абдуғопурниң бар йоқлуқини соридуқ. У бу ишларниң мәхпий елип бериливатқанлиқини, шуңа өзиниң мухтәр абдуғопурниң әһвалидин хәвәрсизликини ейтти. Биз андин мудир әкбәрниң қачан мәктәптин һәйдәлгәнликини соридуқ. У бу һәқтә нөвәтчи хадимлардин мәлумат елишимизни тәвсийә қилди. Биз униңдин қәшқәр университетиниң мудири ким икәнликини сориғинимизда, нөвәттә мудирниң орниниң бош икәнликини, йеңи мудирниң техи тәйинләнмигәнлики вә бир муавин мудирниң мәктәпни башқуруватқанлиқини ашкарилиди. Биз арқидин мәктәпниң әслидики мудириниң ким икәнликини соридуқ. У әсли мудирниң әркин өмәр икәнлики вә униң йеқинда вәзиписидин қалдурулғанлиқини ейтти. Биз униңдин мәктәп партком даимий һәйити, профессор гүлнар обулни соридуқ. У гүлнар обулниңму вәзиписидин елип ташланғанлиқини ейтти. Биз униңдин уларниң немә сәвәбтин вәзиписидин елип ташланғанлиқини сориғинимизда, у, өзиниң бу һәқтә тәпсилий мәлумат беришкә һоқуқи йәтмәйдиғанлиқини ейтти. Биз униңдин йеқинда мәктәптә вәзиписидин қалдурулған 4 рәһбәрниң исимлирини дәп беришни соридуқ. У бу төт кишиниң «әркин өмәр, мухтәр, қурбан осман вә гүлнар обул» икәнликини дәлиллиди. Биз униңдин уларниң немә үчүн вәзиписидин қалдурулғанлиқини тәкрар сориғинимизда, уларниң һәммисиниңла «икки йүзлимичиләр» икәнликини вә шуниң үчүн җазаланғанлиқини ейтти. Биз униңдин нөвәттә бу делоға қайси җ х тармиқиниң қол тиққанлиқини вә уларниң нәдә тутуп турулуватқанлиқини соридуқ. У өзиниң бу соалға җаваб берәлигүдәк мәлуматқа игә икәнликини, әмма юқиридин рухсәт алмай туруп, бу һәқтә еғиз ачалмайдиғанлиқини ейтти. 

Биз қәшқәр университети мудирлириниң иш-излири һәққидә хитайниң бәйду учур амбириниму тәкшүрүп көрдуқ. Уларниң иш-излири һәққидики хәвәрләр гәрчә қәшқәр университетиниң тор бетидин өчүрүветилгән болсиму, әмма бәзи учурлар хитай өлкилиридики мәктәпләрниң торбәтлиридә сақлинип қалған. Мәлум болушичә мудир вә профессор әркин өмәр техи икки айниң алдида шенҗендики бир университетни зиярәт қилған; гүлнар обул бу йил 4 ‏-айда гуаңдуңдики бир университетта лексийә сөзлигән. 
Бу учурлар, қәшқәр университетниң бу 4 нәпәр мудир вә профессориға берилгән бу җазаниң уштумтут болғанлиқини, йәни нөвәттә уйғур районида уйғур әмәлдарларға қарита давам қиливатқан «икки йүзлимичиликкә қарши туруш» намидики сиясий боранниң зәрбисигә учриғанлиқини ашкарилимақта.

Пикирләр (0)
Share
Толуқ бәт