Қирғиз зиялийси: илгири уйғурларла учриған зулумға нөвәттә қирғизларму дуч кәлмәктә

Мухбиримиз гүлчеһрә
2017-08-03
Share
qirghiz-sheher-emin-oy-bilyart-chedir.jpg "әмин өй қурулуши" сиясити бойичә селинған муқим олтурақ өйләрдин яйлаққа қайтип берип чедир тикиватқан қирғиз аилиси.
RFA/Qutluq

Уйғур елидин чиқип қирғизистан пуқралиқиға өткән бир қирғиз аңлиғучимиз, бүгүн радийомиз билән алақилишип, радийомизда вә оттура асия мәтбуатлирида қазақларниң инкаслири һәққидики хәвәрләрни көрүп, илгири уйғурларла учрап келиватқан хитайниң зулумлириға бүгүнки күнлүктә қирғизларниңму дуч келиватқанлиқини радийомиз арқилиқ дуняға аңлитишни тоғра тапқанлиқи билдүрди.

Нам ‏- шәрипини ашкарилимиған бу қирғиз зиялийсиниң ейтишиға қариғанда, 2016-йилниң кейинки йеримидин башлап, хитайниң уйғур елидики зулумлири әвҗигә чиққан. Болупму, райондики диний тәқипләрниң еғирлишиға әгишип, униң юрти ақчи наһийәсидинла онлиған қирғизлар намаз оқуған, диний син көргән, вәз қилған, диний китаб сақлиған дегәндәк төһмәтләр билән түрмиләргә елинған.

Хитайниң районда йүргүзүватқан қош тиллиқ маарип, нопус йөткәшкә охшаш сиясәтлири түпәйли қирғизларму нөвәттә тил, мәдәнийәт һәм тарихидин, яйлақ вә земинлиридин айрилиш тәһдитигә учримақта икән, хитайниң зулум сиясәтлиригә қирғизларниң наразилиқи ортақ болсиму, хитайниң бесим сиясити түпәйли улар авазини сиртқа чиқиралмай кәлмәктә икән.

Юқиридики аваз улиниши арқилиқ мухбиримизниң зиярәт хатирисини аңлаң.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт