Qirghiz ziyaliysi: ilgiri Uyghurlarla uchrighan zulumgha nöwette qirghizlarmu duch kelmekte

Muxbirimiz gülchéhre
2017-08-03
Élxet
Pikir
Share
Print
"Emin öy qurulushi" siyasiti boyiche sélin'ghan muqim olturaq öylerdin yaylaqqa qaytip bérip chédir tikiwatqan qirghiz a'ilisi.
"Emin öy qurulushi" siyasiti boyiche sélin'ghan muqim olturaq öylerdin yaylaqqa qaytip bérip chédir tikiwatqan qirghiz a'ilisi.
RFA/Qutluq

Uyghur élidin chiqip qirghizistan puqraliqigha ötken bir qirghiz anglighuchimiz, bügün radiyomiz bilen alaqiliship, radiyomizda we ottura asiya metbu'atlirida qazaqlarning inkasliri heqqidiki xewerlerni körüp, ilgiri Uyghurlarla uchrap kéliwatqan xitayning zulumlirigha bügünki künlükte qirghizlarningmu duch kéliwatqanliqini radiyomiz arqiliq dunyagha anglitishni toghra tapqanliqi bildürdi.

Nam ‏- sheripini ashkarilimighan bu qirghiz ziyaliysining éytishigha qarighanda, 2016-yilning kéyinki yérimidin bashlap, xitayning Uyghur élidiki zulumliri ewjige chiqqan. Bolupmu, rayondiki diniy teqiplerning éghirlishigha egiship, uning yurti aqchi nahiyesidinla onlighan qirghizlar namaz oqughan, diniy sin körgen, wez qilghan, diniy kitab saqlighan dégendek töhmetler bilen türmilerge élin'ghan.

Xitayning rayonda yürgüzüwatqan qosh tilliq ma'arip, nopus yötkeshke oxshash siyasetliri tüpeyli qirghizlarmu nöwette til, medeniyet hem tarixidin, yaylaq we zéminliridin ayrilish tehditige uchrimaqta iken, xitayning zulum siyasetlirige qirghizlarning naraziliqi ortaq bolsimu, xitayning bésim siyasiti tüpeyli ular awazini sirtqa chiqiralmay kelmekte iken.

Yuqiridiki awaz ulinishi arqiliq muxbirimizning ziyaret xatirisini anglang.

Toluq bet