Рабийә қадир ханимниң һаяти баян қилинған китаб уйғур вә түрк тиллирида нәшр қилинди

Ихтиярий мухбиримиз әркин тарим
2015-08-27
Елхәт
Пикир
Share
Принт
Абдулһеким бақи илтәбир язған рабийә қадир ханимниң һаяти баян қилинған китабниң уйғурчә вә түркчә нәшриниң муқавилири. 2015-Йили 27-авғуст, түркийә.
Абдулһеким бақи илтәбир язған рабийә қадир ханимниң һаяти баян қилинған китабниң уйғурчә вә түркчә нәшриниң муқавилири. 2015-Йили 27-авғуст, түркийә.
RFA/Erkin Tarim

Абдулһеким бақи илтәбир язған «өлүмдин қайтқан мәһбус» намлиқ әсәр 27-авғуст түркийәдә икки хил тилда нәшр қилинди. Әгә университети оқутқучиси профессор доктор алимҗан инайәт тәрипидин түркчигә тәрҗимә қилинған әсәрниң түркчә исми «өзгүрлүк истәйән аннә» йәни «әркинлик издигән ана» болуп, китаб «рабийә ханимниң балилиқ чағлири», «ата-ана вә әвлад сөйгүси», «һаят үчүн күрәш» вә «зиндандики 2045 күн» қатарлиқ 4 бөлүмдин тәркиб тапқан.

Бу китаб истанбулдики «тәклимакан уйғур нәшрияти» тәрипидин түркчә вә уйғурчә икки хил тилида нәшр қилинди. Мәзкур әсәрниң түркчә нусхиси 312 бәт, уйғурчә нусхиси 330 бәт болуп, иккилиси 8-айниң 27-күни нәшрдин чиқти.

Абдулһеким бақи илтәбир язған әсәрниң уйғурчә исми «өлүмдин қайтқан мәһбус» болуп, китабида рабийә қадир ханимниң балилиқ чағлиридин 2005-йили хитай түрмисидин қоюп берилгүчә болған һаят- сәргүзәштлири баян қилинған.

Аптор абдулһәким бақи илтәбир әпәнди 2005-йили рабийә қадир ханим түрмидин қоюп берилип, америка қошма штатлириға йетип барған һаман униң билән сөһбәт елип берип, авазини үналғуға еливелип узун йил түзитиш киргүзүп әмди нәшр қилдурған.

Биз бу китаб һәққидә көз қарашлирини елиш үчүн әсәрни нәшр қилған «тәклимакан уйғур нәшрияти» ниң мәсули җелил туран әпәнди вә дуня уйғур қурултийиниң рәиси рабийә қадир ханимлар билән сөһбәт елип бардуқ.

Рабийә қадир ханим бу китабниң уйғур вә түрк тилида нәшр қилинишиниң шәрқий түркистан дәвасиниң түркийәдә тонулуши үчүн зор әһмийәткә игә икәнликини, чүнки китабида пәқәт өзиниң һаят сәргүзәштлирила әмәс, бәлки уйғурлар тартиватқан азаб-оқубәтлириниңму баян қилинғанлиқини ейтти. У йәнә, мәзкур китабниң чәтәлдә уйғурлар әң көп олтурақлашқан түркийәдә уйғур тилида нәшр қилинғанлиқиниңму зор әһмийәткә игә икәнликини баян қилди.

Германийәлик александира ханим язған рабийә қадир ханимниң һаяти баян қилинған «әҗдиһа билән елишқан аял» намлиқ әсәр һазирғичә көп тилға тәрҗимә қилинди.

Пикирләр (0)
Share
Толуқ бәт