Rabiye qadir xanim: "Uyghurlar xitayning yalghan aptonomiyisini qobul qilghan emes we qobul qilmaydu"

Muxbirimiz gülchéhre
2015-09-29
Share
rabiye-xanim-namayish-aliy-kengesh.jpg Rabiye qadir xanim xitay elchixanisi aldida namayishqa yétekchilik qildi. 2011-Yili 3-may, washin'gton.
Photo: RFA

Del mushu künlerde, xitay da'iriliri Uyghur élida shinjang Uyghur aptonom rayoni qurulghanliqining 60 yilliqini tebriklesh üchün, atalmish "Shinjang Uyghur aptonom rayonining 60 yilliq shanliq musapisi" toghrisida teshwiqat sahelirini ishqa sélip, bu 60 yildin buyan, aptonom rayondiki her sahege mislisiz özgirishler, zor tereqqiyatlar élip kélip, her millet xelqini bextiyar turmushqa érishtürgenlikini teshwiq qilmaqta. Yene bir tereptin bolsa "Hazir, shinjangda idé'ologiye sahesidiki küresh alahide keskin, 'üch xil küch' bilen bolghan küresh bir minutmu toxtap qalghini yoq, ijtima'iy muqimliq we ebediy eminlikni ishqa ashurush wezipisi intayin müshkül, din esebiyliki idiyisining mewjut bolup turushigha qilchimu imkaniyet qaldurmasliq kérek" dégen sho'arni kötürüp chiqip, Uyghurlargha qarita diniy basturushni yenimu kücheytidighanliqidin bésharet bermekte. Bu munasiwet bilen, mexsus ziyaritimizni qobul qilghan Uyghur milliy herikiti rehbiri rabiye qadir xanim "Xitay wetinimiz sherqiy türkistanni bésiwalghan 60 nechche yildin buyan Uyghurlar bu yalghan aptonomiyini héchqachan qobul qilmidi we milliy kürishini 60 yildin buyan toxtitip qoymidi. Xitay hökümiti meyli qaysi usulda bastursun, Uyghurlar erkinlik yolidiki bu küreshni dawam qilidu" dep bildürdi.

Yuqiridiki ulinishtin muxbirimizning rabiye qadir xanim bilen élip barghan söhbitining tepsilatini anglaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet