Рабийә қадир ханим рафто чақирған алий дәриҗиликләр йиғинида сөз қилди

Ихтиярий мухбиримиз әркин тарим
2016-11-23
Share
rabiye-xanim-rafto-yighini-soz.jpg Рабийә қадир ханим рафто чақирған алий дәриҗиликләр йиғинида рафто мукапати алған кишиләргә вакалитән сөз қилди вә уйғурларниң вәзийитини тонуштурди. 2016-Йили 21-ноябир, норвегийә.
RFA/Erkin Tarim

Дуня уйғур қурултийи рәиси рабийә қадир ханим норвегийәдә елип бериватқан зиярити җәрянида, 21-ноябир күни норвегийәниң бергин шәһиридә муһим бир йиғинға қатнашти.

Рафто кишилик һоқуқини қоғдаш тәшкилати тәрипидин ечилған йиғинға бирләшкән дөләтләр тәшкилатиниң 6 комитетиниң мәсули, явропа парламентиниң инсан һәқлири комитетиниң мәсуллири, норвегийә ташқи ишлар министирлиқиниң мәсуллири, норвегийәдики аммиви тәшкилат мәсуллири вә рафто вәхпиниң мукапат тарқитиш мурасими билән 30 йиллиқини хатириләш мурасимиға иштирак қилиш үчүн кәлгән вәкилләр қатнашқан. Йиғин ахирида йиғин әһли үч гуруппиға бөлүнүп, музакирә елип барған. Биринчи гуруппа инсан һәқлири паалийәтчилирини күчләндүрүш үчүн бирләшкән дөләтләрдә қандақ бир механизмларни қуруп чиқиш мәсилиси. Иккинчи гуруппа болса дуняда әң көп инсан һәқлири дәпсәндичиликигә учраватқан аяллар мәсилиси, болупму ислам дунясидики аяллар мәсилисини һәл қилиш үчүн қандақ тәшкиллиниш мәсилиси тоғрисида музакирә елип берилған. Үчинчи гуруппа болса инсан һәқлири билән тиҗарәтчиләр йәни мәбләғ салғучилар оттурисидики мунасивәтләр тоғрисида музакирә елип барған.

Йиғинда рабийә қадир ханим рафто мукапати алған кишиләргә вакалитән сөз қилған. У, доклатида нуқтилиқ һалда уйғур инсан һәқлири паалийәтчилириниң бихәтәрлики вә аилә тавабиатлириниң хитайниң зиянкәшликигә учраватқанлиқини баян қилип, бирләшкән дөләтләр тәшкилатиниң буниң алдини елишини тәләп қилған. Йиғин җәрянида йәнә хитай һөкүмитиниң уйғурларға елип бериватқан бесим сиясити, инсан һәқлири дәпсәндичилики түпәйли хәлқара сотта сораққа тартилиши тоғрисида муназирә елип берилған. Йиғин ахирида инсан һәқ вә һоқуқлирини қоғдашниң тәдбирлири тоғрисида қарар мақулланған.

Бу йиғинға иштирак қилған дуня уйғур қурултийи муавин рәиси өмәр қанат мухбиримизниң соаллириға җаваб бәрди.

Юқиридики улиништин программиниң тәпсилатини аңлиғайсиләр.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт