Rabiye qadir xanim tokyoda Uyghurlarning yéqinqi weziyiti heqqide doklat berdi
2015.10.19
17-Öktebir tokyoda dunya Uyghur qurultiyining re'isi rabiye qadir xanim nechche yüzligen kishige Uyghurlarning yéqinqi weziyiti heqqide doklat berdi.
Rabiye qadir xanimning doklat bérish yighini tokyodiki arkadiya yighin merkizide élip bérilghan bolup,yighin'gha ataqliq erbablardin toyama ependi bilen xelq'ara munasiwetler mutexessisi fuji ependiler riyasetchilik qildi.
Bu qétimqi Uyghur weziyiti heqqide doklat bérish yighini yaponiyediki dunya Uyghur qurultiyigha yardem bérish uyushmisi orunlashturulghan bolup, yighinda aldi bilen Uyghurlarning yéqinqi weziyitige a'it sin alghu léntisi qoyulghan. Yighin kech sa'et altidin sekkizge qeder dawamlashti.
Biz yighin axirlashqandin kéyin mezkur doklat sözlesh yighini heqqide toluq melumatqa érishish üchün dunya Uyghur qurultiyining re'isi rabiye qadir xanimgha mikrofonimizni uzattuq.