Rabiyxan musa ana bortala oblast bashliqliri bilen sözleshti: “Axbaratqa gep qilishni 3 ay toxtitimen”

Muxbirimiz shöhret hoshur
2016.11.22
Share on WhatsApp
Share on WhatsApp
rabiyxan-musa-ana-1.jpg 5 Yildin béri didarini körmigen kenji oghli qurbanjanni körüshke teshna bolghan rabiyxan ana.
RFA/Shohret Hoshur

Ötken hepte bortala oblastining mu'awin bashliqi, mu'awin partkom sékrétari we oblastliq saqchi idarisining bashliqi qatarliq 10 nechche kishidin teshkillen'gen bir emeldarlar guruppisi radiyomizda shikayetlirini bayan qiliwatqan rabiyxan musa ana bilen söhbet ötküzgen.

Ular söhbet dawamida, rabiyxan anigha pasportini bermeslikning siyasiy bir qarar ikenlikini we buning saqchilar bilen alaqisi yoqluqini éytqan we rabiyxan anini axbarat bayanatini toxtitish heqqide tekrar agahlandurghan.

Bügün ziyaritimizni qobul qilghan rabiyxan ana oblast bashliqlirining yuqiriqi chüshendürüshining rast-yalghanliqini aydinglashturush üchün, béyjinggha erz qilip bérish yaki erzname yollash pilani barliqini we axbaratqa gep qilishni waqitliq yeni mushu qétimqisidin kéyin 3 ayghiche toxtitip turidighanliqini bayan qildi.

Rabiyxan musa ana axbaratqa gep qilishni 3 ayche toxtitip turush pilanining oblast bashliqlirining tehditidin qorqup emes, ularning rast yaki yalghan gep qiliwatqanliqini éniqlash hem ulargha oylinish pursiti bérish yeni pasportini tartiwalghanliq xataliqini tüzitishke purset bérish meqsitide tüzülgenlikini bayan qildi. U yene, eger bu üch ay jeryanida jawabtin ümidlen'güdek uchurlar bolmisa yaki yene burunqidek tehdit we zorawanliqqa uchrisa, axbarat bayanatini 3 ayni kütmestin yene dawamlashturidighanliqini eskertti.

Yuqiridiki awaz ulinishidin muxbirimizning bu heqte teyyarlighan programmisini anglighaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet