Rabiye xanim b d t musapirlar komitéti mes'ulliri bilen uchriship yardem telep qildi

Dunya Uyghur qurultiyi re'isi rabiye qadir xanim bashchiliqidiki hey'etning shiwéyitsariyening paytexti jenwediki pa'aliyiti dawamlashmaqta. D u q hey'iti 19-mart küni birleshken döletler teshkilati musapirlar aliy komitéti, ten jazasi komitéti qatarliqning mes'ulliri bilen uchriship, xitay türmiliride yétiwatqan Uyghurlarning bolupmu ilham toxti, abduwéli ayup, ablikim abdurréhim qatarliqlarning mesilisini anglatqan.

D u q re'isi rabiye qadir xanim, d u q ijra'iye komitéti re'isi dolqun eysa we d u q mu'awin re'isi ömer qanat qatarliq kishilerdin terkib tapqan hey'et b d t musapirlar komitéti mes'ulliri bilen uchriship dunyaning herqaysi jaylirida qéyin weziyette qalghan Uyghur musapirlarning bolupmu tayland we malayshiyadiki musapir Uyghurlarni bashqa döletlerge élip kétishi we Uyghurlar üchün musapirlar lagéri qurup bérishini telep qilghan.

D u q re'isi rabiye qadir xanimning éytishiche b d t musapirlar komitéti mes'ulliri Uyghur musapirlargha yardem qilidighanliqini bildürgen.

Tepsilatini yuqiridiki awaz ulinishidin anglighaysiler.