Хитайниң хотәндики сақчи "қәһриман"лириниң кимликидин хотәндики сақчиларму хәвәрсиз

Мухбиримиз шөһрәт һошур
2017-04-07
Share
xitay-saqchi-herbiy-maniwer-xoten.jpg Хитай қораллиқ күчлириниң "террорлуққа зәрбә бериш" маневиридин көрүнүш. 2014-Йили 6-июн, хотән.
AFP


Хитайниң тәңритағ тори 3-април күни хотәнниң ғоҗамбағ йеза рок кәнтидә аталмиш террорға қарши қәһриманларни хатириләш мурасими өткүзгәнлики хәвәр қилди. Хәвәрдә тунҗи қетим хотәндә йеқинқи 3 йил ичидики аталмиш террорлуқ қарши һәрикәтләрдә 23 сақчиниң өлгәнлики вә 64иниң яриланғанлиқи ашкариланди. Мухбиримиз мәзкур "23қәһриман"ниң кимлики вә уларниң өлүмигә четишлиқ вәқәләрниң тәпсилатини игиләш үчүн, хотәндики сақчиханилардин мәлумат сориди. Нәтиҗидә, хотәндә дағдуғилиқ хатириләнгән 23 сақчиниң кимлики вә улар четишлиқ вәқәдин хотәндики сақчиларниңму хәвәрсизлики айдиңлашти.

Төвәндә диққитиңлар, мухбиримиз шөһрәт һошурниң бу һәқтә тәйярлиған программисида болсун.

Һөрмәтлик радийо аңлиғучилар, хәлқара кишилик һоқуқ тәшкилатлири хитай даирилирини уйғур райониниң сиясий вәзийитини дунядин йошурмаслиққа, болупму йүз бәргән қанлиқ вәқәләрни, һичболмиди дегәндә, өзлири террорлуқ билән әйиблигән вәқәләрниң тәпсилатини дунядин йошурмаслиққа чақирмақта. Әмма, хитай даирилири йүз бәргән вәқәләрни көп һалларда ахбараттин пүтүнләй йошурса, бәзи чағларда, өз тәшвиқат мәнпәтигә уйғун шәкилдә қисқа вә чолта хәвәр қилип бәрмәктә. Бу вәқәләрниң бир қсими пәқәт бирқанчә ай яки йилларин кейин, мустәқил ахбарат органлири тәипидин паш қилинмақта. Йәнә бир қисми болса, хитайниң мукапатлаш яки хатириләш мурасимлирида ашкариланмақта, көп қисми болса сир пети қалмақта. Биз тәңритағ торида ашкариланған 23 сақчиниң өлүми вә 64 сақчиниң ярилинишиға сәвәб болған аталмиш террорлуқ вәқәлириниң тәпсилатини ениқлаш үчүн хотәндики сақчиханиларға телефон қилдуқ.

Һөрмәтлик радийо аңлиғучилар, юқириқилардин мәлумки, хитай даирилири хотәндә йүз бәргән вәқәләрни дуня, хитай вә уйғур җәмийитидинла әмәс, өз сақчилиридинму йошурған. Вәқәни шу вәқәдә вәзипә алған сақчи хадимлиридин башқиларға уқтармиған. Хитай ахбарати йеқинқи 3 йил ичидә хотән тәвәсидә йүз бәргән пәқәт қариқаш парткомға һуҗум қилиш вәқәси, гума пичақлиқ һуҗуми қатарлиқ сани 10 ға йәтмигән вәқәни ашкарилиди. Хатириләш мурасимида тилға елинған сақчиларниң сани вә исимлики хотәндә йүз бәргән вәқәләр саниниң өзлири хәвәр қилғандикидин нәччә һәссә көплүкини ишарәтлимәктә. Хитай тәрәпниң қанлиқ вәқәләрни хәвәр қилишта бу дәриҗидә еһтиятчан болушиниң, бәзи көзәткүчиләр, райондики хитай көчмәнлирини үркүтмәслик үчүн икәнликини илгири сүрмәктә; йәнә бәзи көзәткүчиләр болса, райондики қанлиқ вәқәләрниң характериниң хитай дегәндәк террорлуқ билән алақиси йоқлуқини, униң зулум вә адаләтсизликкә қарши әркинлик көриши икәнликини, шуңа даириләрниң бу вәқәләрни хәвәр қилишқа җүрәт қилалмайватқанлиқини илгири сүрмәктә.

Бәзи көзәткүчиләрниң қаришичә, хитайниң қанлиқ вәқәләрни хәвәр қилмаслиқи, районға хитай көчмәнлирини йөткәш пилани үчүн пайдилиқ болуватқан болсиму, әмма аталмиш террорлуққа зәрбә бериштә үлгә тикләш, аталмиш қәһриманлириниң иш-излирини тәшвиқ қилиш вә намини чиқиришта қейинчилиқ туғдурған. Шуңа хотәндә нәччә миң киши қатнаштурулуп хатириләш мурасими өткүзүлгән болсиму, уларниң кимликини хитайниң өз сақчи хадимлириму әстә туталмиған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт