Séyit nadir ependi: “Dadam bayning balisi idi, döletsiz bayliqimiz bizni bir mehel sersanchiliqqa sélip qoydi”

Muxbirimiz shöhret hoshur
2015.07.29
Share on WhatsApp
Share on WhatsApp
seyit-abdullaxan-abla-tumen-bilen-bille-teywen-taiwan.jpg Séyit nadir ependining dadisi séyit abdullaxan(solda) meshhur siyasiy shexs, sabiq gomindang qanun palata ezasi abdulla timen bilen bille.
RFA

Milliy bir dületning qoghdishi nésip bolmighan shexsiy bayliqning shu shexsning a'iliwiy bext - sa'aditila emes, hetta xatirjemlikigimu képil bolalmaydighanliqi Uyghur jem'iyitining yéqinqi yüz yilliq tarixida köpligen misallar bilen ispatlandi. Nöwette i'ordaniyede yashawatqan 60 nechche neper Uyghurning hayat kechmishi mana buning yene bir misali. Ziyaret obyéktimiz séyit nadirxanning éytishiche, uning bowisi 1930 - yillarning aldi - keynide hindistan bilen sherqi turkistan arisida soda qilghan, qeshqer, xoten, yekenlerde tijariy dukanliri bolghan chong bir sodiger. Uning bowisidin dadisigha miras qalghan 2400 mo yer we bashqa bayliqlar xitay kompartiysi dewride musadire qili'inipla qalmastin yene, dadisi séyit abdullaxanning urup soqulushi we wetendin ayrilishigha seweb bolghan. Siyit nadirxan muxbirimiz bilen söhbitining bügünki qismida dadisining kimliki we kechmishi heqqide melumat berdi.

Hörmetlik radiyo anglighuchilar, melumki, xitayning dölet küchi gerche mezkur a'ilining mal - dunya'isini bulap éliwélishqa yarighan bolsimu, emma bu a'ilining ezalirining yashash iqtidari, jümlidin sodigerlik éngi we ishchan tebi'itige chéqilalmighan. Shunga sherqi türkistandin - pakistan'gha quruq qol chiqip ketken bu a'ile pakistan, teywen we i'ordaniye tupraqlirida tirikchilik qilip yéngidin igilik tikligen we qeddini qaytidin ruslighan. Bu jeryanlarni buningdin kéyinki programmilirimizda dawamliq halda tonushturimiz.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.