Ilshat hesen: “Shi jinpingning amérika ziyaritini bayqut qilishqa bizningmu awaz qétishimiz zörür!”

Muxbirimiz gülchéhre
2015.07.15
pichan-lukchun-weqesi-muxbir.jpg Xitay saqchiliri pichan weqeside muxbirlarning qolidiki resim tartish apparatini tartiwéliwatqan körünüsh. 2013-Yili 28-iyun.
AFP

Xitay hökümitining ötken jüme bashlighan dangliq kishilik hoquq adwokatlirini tutqun qilish herikitide hazirghiche tutqun qilin'ghanlar 190 neperdin ashqan.

Xitayning bu “Jem'iyetning muqimliqi, döletning bixeterliki üchün qollinilghan aqilane tedbir, dölet hakimiyitige bolghan tehditni del waqtida qutquzush herikiti” dep turup élip bériwatqan qaratmiliq basturush herikiti, xitay öktichiliri, chet'ellerdiki kishilik hoquq teshkilatliri we gherb démokratik döletlirining birdek küchlük eyiblishige uchrimaqta.

Yéqinqi ikki kündin buyan yene, amérika aqsarayning tor bétide “Xitay re'isi shi jinpingning amérika ziyaritini bayqut qilish teklipi”ge imza qoyush bashlandi we bu arqiliq obama hökümiti, xitaydiki kishilik hoquq adwokatlirining zerbe bérish obyéktigha ayliniwatqanliqigha jiddiy inkas qayturup, shi jinpingdin her xil bahane, sewebler bilen tutqun qilin'ghan kishilik hoquq adwokatlirini derhal qoyup bérishni telep qilishqa chaqirildi. Bu teklipke imza atqanlar 100minggha yetkende aqsaray muwapiq jawab qayturushqa mejbur bolidu.

Amérika Uyghur birleshmisining mu'awin re'isi ilshat hesen ependi bu munasiwet bilen ziyaritimizni qobul qilip “Shi jinping bu nöwet amérika ziyaritide téximu osal ehwalda qalidu” dédi.

Diqqitinglar muxbirimiz gülchéhrening élshat hesen ependi bilen bu heqte élip barghan söhbitide bolsun.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.